Yiki nge ke kanisaka samu na Biblia?
Samu na nge Biblia kele . . .
buku ya mindele?
buku ya masolo ya luvunu?
diambu ya Nzambi?
YINA BIBLIA KE ZONZAKA
“Masonoko nyonso me katuka na Nzambi.”—2 Timote 3:16, Ngwisani ya malu-malu.
MAMBU YA MBOTE YINA NGE LENDA KUZWA
Bamvutu ya nsayi na byuvu ya mfunu ya luzingu.—Bingana 2:1-5.
Malongi ya tsyeleka na luzingu ya kilumbu na kilumbu.—Nkunga 119:105.
Kivuvu ya tsyeleka samu na bilumbu ke kwiza.—Baroma 15:4.
BETO FWANA KWIKILA MAMBU BIBLIA KE ZONZAKA?
Ee, samu na bamambu ata tatu:
Kukwelana ya ngitukulu. Bantu 40 sonikaka Biblia mpe yawu bakaka bamvula 1600 na kusonika yawu. Mingi na bawu kutanaka ve. Kasi Biblia nyonso kele ya kukwelana, yawu kele na yintu ya diambu mosi ya nene!
Disolo ya matsyeleka. Ntangu mingi, bantu yina ke sonikaka masolo ke bumbaka mambu kana dikanda ya nkaka menunga dikanda ya bawu, kasi bayina sonikaka Biblia zonzilaka na matsyeleka nyonso mambu ya yimbi ya bawu mosi mpe ya makanda ya bawu.—2 Bansangu 36:15, 16; Nkunga 51:1-4.
Bambikululu yina ke lunganaka ntangu nyonso. Biblia bikulaka kubwa ya Babiloni, bwala mosi ya ntama, bamvula 200 na mantwala. (Izaya 13:17-22) Biblia zonzilaka kaka ve mutindu Babiloni ke kubwa, kasi yawu pesaka mpe nkumbu ya muntu yina ke bwisa yawu!—Izaya 45:1-3.
Bambikululu mingi ya Biblia mpe lunganaka mutindu Biblia bikulaka yawu, ata na mambu ya fiotifioti. Ni yawu ve beto zola vingila na Diambu ya Nzambi?—2 Piere 1:21.
KANISA KYUVU YAYI
Wapi mutindu Biblia lenda bongisa luzingu ya nge?
Biblia me pesa mvutu na kyuvu yayi na IZAYA 48:17, 18 mpe 2 TIMOTE 3:16, 17.