Vyevyo Ninapange Iyo Ira Nikale Asamwali Enieni

KODI vathawi imo-i moowambeela vivwavo ira muli ekinyu mwangagumanile na mavuto? “Ninakala muthawi yavadela koma teto yorucha” Moi vyevi vinokoza nipangi-a ira nikalenga okumudwa nagumanga na mavuto koma teto nivivwenga ira nili eki-u. (2 Tim. 3:1) Komave nakala va mavuto niumbuwelenga ira vikala athu amo-i anayo kananikami-e. Baibulo linoonga ira afwi-u enieni kanonikami-a “vakala mavuto.” — Miya. 17:17.

MWEMO AFWI-U ENIENI KANANIKAMI-ELEATHU

Namarumiwa Paulo ookami-iwa mundila dinjinji na afwae anayo aendana liye limo-i. (Akol. 4:7-11) Vathawi ineyo amangiwe liye wu Roma, afwae koomukami-a panga vyongo vyevyo liye kaawande panga. Mwaisazo, Epafurodito oomuva-a Paulo vyongo vyevyo afuneela liye, vyevyo abali na arongola a wu Filipi katumizileathu. (Afil. 4:18) Tukiko oopeleka makalata anayo Paulo alembela liye mipingo do-iyana-iyana. (Akol. 4:7) Paulo ookwakwani-ave panga utumikae ngakale ira ali vaukaidi wo-ovenyavo vande koma teto ali liye undende. Kodi iyovano ninapange avi ira nikale asamwali enieni?

Malambwano vikala abali na arongola anayo kanatonyi-eda vyevyo asamwali enieni kanafuneyathu panga vokami-ana. Mwaisazo Elisabet unoyo ngu mpainiya wogarateya wu Spain, oofotokoza mwemo murongola m’mo-iwa amukami-ele liye vathawi ineyo agumanile liye na mavuto. Vevo am’mae a Elisabet kabulelaathu na nkhasa, murongoloyo oomutumizela mameseji anjinji omulimbikisa moi m’mamesejimo oo-elamo mavesi a m’Baibulo olimbikisa. Elisabet aongile ira, “Mamesejayo koondilimbikisa moi koondikami-a ira dambo lililetene kandivionenga ira ndili meka.” — Miya. 18:24.

Ninokoza gwilizananga teto na Akristu afwi-u naakami-anga fwanyeya vamisonkano koma teto na-indelanga limo-i chito yolaleela. Mwaisazo, ninokoza kami-a m’bali kapena murongola wokalamba vomutukula ira nidowe limo-i na liye umisonkano kapena mu utumiki. Akala munapange vyevyo munoza musangalale vinjinji teto munoza mulimbikisane. (Arom. 1:12) Komave, vikala Akristu amo-iwa anayo katinawande venyavo vande chifukwa ya marenda kapena kalamba. Kodi athu anala ninaatonyi-ede avi ira nili asamwali enieni?

MUKAMI-ENGA ATHU AMO-I ANAYO KATINAWANDE VENYAVO VANDE

Akristu amo-i katinawande venyavo vande chifukwa ya marenda kapena mavuto amo-iwa. Isazo ngu David unoyo afwanyeile na khansa. Wa medi 6, liye oowachela mirombwe wu chipatala. Vathawi yetene ineyo aachela liye mirombwedi, David na iyanae Lidia kooimbeliwa ira kavuruwane misonkano kangali vande.

Kodi afwiwa mupingo kaakami-a moi avi? Vanduli va misonkano, athu amo-i anayo kafwanyeya va Nyumba ya Umwene kooesasesa ira kawalede na David koma teto iyanae Lidia zela va vidiyokomfelensi. Enjedela vevo David na Lidia kasomeda va misonkano, abali na arongola koowatumizela mameseji olimbikisa. Vyevi vyoopangi-a ira David na Lidia kativivwenga ira kali ekiwa.

Ninokoza teto saela thawi yoi nilaleenga na abali na arongola anayo katinawande venyavo vande. Akala ninachenje vyongo vimo-i ving’onong’ono vamoywi-u, ninokoza tonyi-eda ira kaniadiwalile athu anala. (Miya. 3:27) Bwanji oopanga vyoi mulembele limo-i makalata kapena laleela zela vafoni? Athu anayo katinawande venyavo vande kanokoza pangana msonkano wokozeela utumiki zela va vidiyokomfelensi kapena vafoni. David na iyanae Lidia kooyamikela vinjinji dongosolo leli. David oofotokoza ira, “keda kalana va msonkanola va thawi yokozeela utumiki koma teto pempela limo-i na gulu li-u woonilimbikisa vinjinji.” Enjedela vevo, akala pivyowandeya munokoza panga vyoi thawi dimo-i mwafunjede Baibulo na wofunjedinyu waniwa wa ofalisa woi kanawande venyavo vande.

Naaledanga na abali na arongola anayo katinawande venyavo vande, ninofiya voiziwa pama makalelwia moi ninokala vausamwali wolimba na aluwa. Mwaisazo, na-indanga na aluwa chito yolaleela, ninokoza ona mwemo kana-indi-edelaathu chito Mawu a Mulungu mwaluso ira kaafiye athu vamurima, moi vyevi vinokoza pangi-a ira niawomeliwengana vinjinji. Mwakami-anga Akristu afwinyu panga vyongo vyokuza lambela munokoza kaana afwinyu anjinji. — 2 Akor. 6:13.

Tito angazile za mulimbikisa Paulo, Pauloyo oosangalala. (2 Akor. 7:5-7) Khani ya Paulwela inoniumbucha ira ninokoza limbikisa Akristu afwi-u voonga na aluwa mwachikondi, fwanya thawi yoonga na aluwa koma teto panga vyetene vyevyo ninawande iyo ira niakami-e. — 1 Yoh. 3:18.

MUKAMI-ENGA AFWINYU KAZUZUMI-IWANGA

Abali na arongola a wu Russia kanopeleka isazo yapama va khani yokami-ana vathawi ineyo kanazuzumi-iwaathu. Kaganizelani vyevyo vyaireele Sergey na iyanae zina lae Tatyana. Apolisi kooza waniwa za saela saela m’mba mwiwa, vanduli viwa koowalandela wu polisi ira kaafuke vyofuka. Tatyana ngunoyo ali owambeela kumi-iwa nowelela waniwa. Sergey oofotokoza ira, “Iyananga Tatyana angakede fiya vande, murongola m’mo-iwa wolimba murima ooza thawi ineyo. Afwi-u amo-i anjinji kooza za nikami-a dodela vyongo vyevyo apolisi kabalalechileathu noviweli-eda m’malo mwiwa.”

Sergey ooenjedela ira: “Ndinoomeliwa vinjinji lemba la Miyambo 17:17, Lelo linaonga ira: ‘Fwawo weniweni unoutonyi-eda chikondi thawi detene, moi ngu m’bali unoyo abaliwe ira aukami-e wagumana na mavuto.’ Ndiiona kwakwaneli-ediwa wa mawu anala vathawi yetene ineyo ndikalile miyo ndizuzumi-iwanga, ineyo kandakwakwani-a vilela vameka. Yehova oondiva-a afwanga olimba murima anayo kandikami-a thawi detene.”a

Vevo mavuto kanaenjedeleaathu muilambwela, ninafuneela afwi-u oyi kanikami-enga. Moi afwi-u kanoza kanikami-e vinjinji vathawi ya isauso ilukulu. Eno vathawiila tiyemoni niesaesenga limbikisa koma teto kami-a afwi-u. — 1 Pe. 4:7, 8.