Mumanyisyanje Muzila Iyipepe

Vyo u Yesu Akabomba

IVIDIYO: U Yesu Akanena Ichifwanikizyo Cho Chikulangizya Ukuti u Baba Akutupasikizya

1. Enelezya IVIDIYO, pamo belenga Matayi 6.25-27. Pabumalilo mwamule amalalusyo agha:

1. Nkimba ichifwanikizyo cha Yesu chikulangizya buli-buli ukuti u Yehova akutupasikizya?

2. Nangabuli u Yesu akumanya ivyinji ivya viyuni, ka akanena ivyachoni? Choni cho iyi yikaba zila iyipepe iyakumanyisizya?

Nkimba Tukumanyilako Ichoni kwa Yesu?

2. Pala tukumanyisya muzila iyipepe vikwiza pakubavwa abantu ukuti bakumbukaghe vyo twabamanyisya sona vikwiza pakubafika pamoyo.

Mumweghelele u Yesu

3. Manyi munenaghe ivyinji. Mumalo mwakunena bulo vyosi vyo muvimenye pankani yo mukunenezannya, mubombezyanje ifundo zyo zili mubuku lyo mukumanyila nawe. Pala mwamulalusya ilalusyo, mulindilile ukuti umumanyili winyu amule. Pala atamumenye uansala pamo nanti anena vyo vitakukolelana ni Bayibolo, mungamulalusya amalalusyo aghakongelezyapo ukuti inong’onelepo. Nanti umumanyili winyu ivwisya ifundo inkulu mubuke pa ndime iyamwabo.

4. Mumwavwe umumanyili winyu ukumunya mo ifundo impya yo amanyila yikukolelana na vyo avimenye kale. Umwakufwanikizya po muchili mutandite pakumanyila pa nkani iya kuzyuka, munganda nu kunyokelamo tasi vyo umumanyili winyu avimenye pa nkani iya bafwe.

5. Mubombezyanje akiza ivifwanikizyo. Po muchili mutanenite ichifwanikizyo, mwilalusye ukuti:

1. ‘Nkimba ichifwanikizyo ichi chipepe?’

2. ‘Nkimba umumanyili wane inti achivwisye akiza?’

3. ‘Nkimba umumanyili wane inti akumbuke bulo ichifwanikizyo mumalo mwakukumbuka ifundo inkulu yo nkulonda ukunena?’