IVYAKUBUMALILO C
Mo Mungamanyilila nu Muntu Pakubombezya Ibuku IIya Mungahoboka nu Bumi kwa Bwila na Bwila!
Abakamu bakiputagha tasi, pabumalilo popo bakinong’onelaghapo ifundo izyakuti basimbe mubuku ilya Mungahoboka nu Bumi kwa Bwila na Bwila! Ukuti mulibombezye akiza ibuku ili konka amasakizyo agha:
Po mukwisengannya
1. Mwisengannyanje akiza. Po mukwisengannya mwinong’onele vyo umumanyili winyu akulondiwa, vyo akukomana navyo sona vyo akusubila. Mwinong’onele ifundo zimo zyo zingaba zyakutamya ukuti ivwisye sona ukuzibombezya. Mwinong’onelaghe sona mo inkani zyo zili pachigaba ichakuti “Ifundo Izyakongelezyapo” zingamutulila umumanyili winyu, sona mwisengannye ukuzibombezya pala zingalondiwa pakabalilo ko mukumanyila.
Pakabalilo akakumanyila
2. Mwandaghe nu kwighalila nu lwiputo pala umumanyili winyu akwitikizya.
3. Mutakanenaghe ivinji. Munenaghe ifundo zyo zili mubuku sona mumwitikizyanje umumanyili winyu ukunena ifundo zyo amanyilapo.
4. Pala mukwanda ichigaba ichipya mwibuku, mubelengaghe ifundo inkulu sona mungabelenga imitu yimo.
5. Pala mwamalizya ichigaba chilichosi mubombezyanje amalalusyo aghakunyokelamo ukuti mumwavwe umumanyili winyu ukukumbuka ubwanaloli bo amanyila
6. Po mukumanyila ichigaba chilichosi nu mumanyili winyu:
Mubelengaghe indime.
Mubelengaghe amasimbo ghosi gho basimbite ukuti “Belenga.”
Nanti mungennya ukuti vyakulondiwa mungabelenga amasimbo ghamo gho babikite.
Mwenelezye amavidiyo ghosi gho batili “Enelezya” (pala mulinagho).
Mumulalusye umumanyili amalalusyo ghosi.
Pachigaba ichakuti “Manya Ivyinji,” mumulabaghe umumanyili winyu ukuti alingannye ivituzi.
Mubombezyanje akabokosi akakuti “Ivyakuti Mubombe” ukuti mumwavwe umumanyili winyu ukumanya waghe akubuka pantazi. Mungamubuzya ukuti abombezye isakizyo lyo lili pachigaba ichakuti “Ivyakuti Mubombe” sona angasala ivyamwabo ivyakuti abombe.
Mumubuzye umumanyili winyu ukuti alingannye inkani pamo ividiyo yo yimuhobosizye nkani pakabalilo ko isengannyanga ukumanyila pachigaba ichakuti “Ifundo Izyakongelezyapo.”
Mumalizyanje umutu akabalilo kalikosi ko mukumanyila.
Pala mwabwelako
7. Mubukilile ukumwinong’onela umumanyili winyu. Mumulabe u Yehova ukuti amwavwe umumanyili winyu ukubuka pantazi sona abape amahala aghakumanya mo mungamutulila.