Ukujimba

Vyo u Yesu Akabomba

IVIDIYO: U Yesu Akamupa Ubulongozi Umulaghili Umukabi Uwachinyamata

1. Enelezya IVIDIYO, pamo belenga Maliko 10.17-22. Pabumalilo mwamule amalalusyo agha:

1. Nkimba u Yesu akennya nkalo buli inyiza mu mulaghili uwachinyamata?

2. Choni cho u Yesu akalondiwa ulughano nu kujimba ukuti amupe ubulongozi umwanavuli uyu?

Nkimba Tukumanyilako Ichoni kwa Yesu?

2. Tubaghanaghe abamanyili bitu, loli manyi moghopaghe pakunena vyo bakulondiwa ukubomba ukuti babukilile ukumughana u Yehova.

Mumweghelele u Yesu

3. Mubavwe abamanyili binu ukuti bibikile ivyakubomba sona bavikwanilisye.

1. Mubombezyanje akachigaba akakuti “Ivyakuti Mubombe” ko kakwaghiwa kubumalilo uwa mutu ghulighosi mubuku ilya Mungahoboka nu Bumi kwa Bwila na Bwila!

2. Mumwavwe umumanyili winu ukuti amanye vyo angabomba ukuti akwanilisye vyo angabomba kwa kabalilo akadono sona kwa kabalilo akatali.

3. Mumupalizyanje umumanyili winyu akabalilo kosi pala akubuka pantazi.

4. Mumanyaghe vyo vikumupotwesya umumanyili winu ukubuka pantazi sona mumwavwe ukuti amalane navyo.

1. Mwilalusye ukuti:

   • ‘Pala umumanyili wane akupotwa ukoziwa, choni cho chikumupangisya?’

   • ‘Nkimba ningamwavwa buli-buli?’

2. Mumulabe u Chala abavwe ukuti munenezannye nu mumanyili winyu mwalughano sona umwambula ukufisa ukuti amanye vyo akulondiwa ukubomba.

5. Muleke ukumanyila na bo batakubuka pantazi.

1. Mungamanya nanti umumanyili winyu uwa Bayibolo akubuka pantazi umwakwilalusya ukuti:

   • ‘Nkimba umumanyili wane akubombezya vyo akumanyila?’

   • ‘Nkimba akubuka ku nkomano sona akubalumbililako abamwabo?’

   • ‘Pala mwamanyila nawe akabalilo akatali, nkimba akulonda ukuba we Kaboni wa Yehova?’

2. Pala yo mukumanyila nawe Ibayibolo atakubuka pantazi:

   • Mumulalusye vyo vikumupangisya ukuti manyi abukaghe pantazi.

   • Mumubuzye umwachisa ichifukwa cho inti mulekele pakumanyila nawe.

   • Mumubuzye vyo angize abombe ukuti mwande sona pakumanyila nawe muntazi.