Ka Abakaboni ba Yehova Bakilisitu Babwanaloli?

Pakuba swe Bakaboni ba Yehova, tukusubila ukuti swe Bakilisitu ababwanaloli. Chifukwa choni? Za twennye vyo tukusubila, izina lyo tukumanyikwa nalyo sona nu lughano lo tuli nalo kubamwitu.

1. Ka vyo Abakaboni ba Yehova bakusubila vikufuma kwi?

U Yesu akanena ukuti: ‘Amazyu gha Chala ghabwanaloli.’ (Yohani 17.17) Ngati we Yesu, vyo Abakaboni ba Yehova bakusubila akabalilo kosi vikufuma mu Mazyu gha Chala. Umwakufwanikizya, ennya mo ivintu vikabela mumyaka iyakwisinda. Mu ma 1870 igulu ilyabamanyili aba Bayibolo likanda ukumanyila poka ukuti limanye vyo Ibayibolo likumanyisya. Bakanda ukusubila ifundo izya mu Bayibolo zyo zikapambanagha na zyo amachalichi ghakasubilagha. Ukufuma apo, bakanda ukubabuzyako abantu ubwanaloli ubwa mu Bayibolo.a

2. Choni cho tukumanyikwa ukuti swe Bakaboni ba Yehova?

U Yehova akubitizya ababombi bache ukuti bakaboni bache ichifukwa bakunena ubwanaloli ubwakukwafyannya na yuyo. (Aba Hebeli 11.4–12.1) Umwakufwanikizya, mu kabalilo akakale, u Chala akababuzya abantu bache ukuti: ‘Mwe bakaboni bane.’ (Belenga Yesaya 43.10.) U Yesu akwitiziwa ukuti we ‘Kaboni Umusubaliwa.’ (Ubuvumbuli 1.5) Cho chifukwa mu 1931 tukanda ukwitiziwa ni zina ilyakuti Bakaboni ba Yehova. Swe bakuhoboka pakwitiziwa ni zina ili.

3. Ka Abakaboni ba Yehova bakulangizya buli-buli ulughano ngati lo u Yesu akaba nalo?

U Yesu akabaghana nkani abamanyili bache umwakuti akabennyanga ngati banyumba yoka. (Belenga Maliko 3.35.) Umwakuyana bulo, Abakaboni ba Yehova bakukolelana pachisu chosi ichapasi, bali ngati mbumba yoka. Cho chobene tukwitizannya ukuti mukamu nu muyemba. (Filimoni 1, 2) Tukwivwila sona ululaghilo ulwakuti: “Mubaghanaye Abakilisitu abamwinyu.” (1 Pitala 2.17) Abakaboni ba Yehova bakulangizya ulughano muzila izyakulekana-lekana ngati ukubavwa Abakilisitu abamwitu pachisu chosi ichapasi pakabalilo ko bakulondiwa ubutuli.

MANYA IVYINJI

4. Vyo tukusubila vikufuma mu Bayibolo

U Yehova akanenela zila ukuti ubwanaloli bwa mu Bayibolo bukwiza pakumanyikwa. Belenga Danieli 12.4 na mazyu aghamuntende, nu kwamula ilalalusyo ili:

• Choni cho chikwiza ‘pakumanyikwa’ pakasi pa bantu ba Chala po bakubukilila ukumanyila Ibayibolo?

Manya mo igulu ilyabamanyili ba Bayibolo ukongannyapo u Charles Russell, mo bakamayililagha Amazyu gha Chala. Enelezya IVIDIYO, nu kwamula ilalusyo ili:

IVIDIYO: Ukwaghiwasona Ukwa Bwanaloli Ubwa mu Bayibolo (7:45)

• Ukuyana ni vidiyo iyi, ka u Charles Russell na Bamanyili ba Bayibolo abamwabo bakamayilagha buli-buli Ibayibolo?

Ka muzimenye?

Akabalilo kamo ivintu vyo tukusubilagha vingasinta. Chifukwa choni? Ngati mo vikubela pala izuba likufuma, likulama nu kupangisya ukuti ivintu vyande ukubonekela akiza-kiza, umwakuyana bulo wepe u Chala akutwavwa ukuti twivwisyanje Amazyu ghache umwapanandi-panandi. (Belenga Isya Mbupingamu 4.18.) Ibayibolo litakusinta, loli pala twalivwisya akiza, tukusinta vyo tukumanyisya ukuti vikolelane na vyo Ibayibolo likunena.

5. Tukubomba ivintu vyo vikukolelana ni zina lyitu

IVIDIYO: Izina lyo Tukumanyikwa Nalyo (2:40)

• Choni cho izina ilyakuti Bakaboni ba Yehova lyakulondiwa?

Choni cho u Yehova asalite abantu ukuti babe bakaboni bache? Ichifukwa chakuti bakumanyisya ukuti u Chala amanyikwe ukuti we Chala wabwanaloli sona ichifukwa cha mabumyasi gho ghakuneniwa aghakukwafyannya na yuyo. Ennya amabumyasi ghabili.

Amachalichi ghamo ghakumanyisya abantu babo ukuti u Chala akulonda ukuti abantu bamwiputaghe pakubombezya ivifwani. Belenga Abanya Levi 26.1, nu kwamula amalalusyo agha:

• Nkimba ubwanaloli bwakuti choni? Ka u Yehova akuvyennya buli-buli ivifwani?

Abasongo aba machalichi ghamo bakumanyisya ukuti u Yesu we Chala. Belenga Yohani 20.17, nu kwamula amalalusyo agha:

• Nkimba ubwanaloli bwakuti choni? Ka u Chala nu Yesu muntu weka?

• Ka mukwiyivwa buli-buli pakumanya ukuti u Yehova atumite Abakaboni bache pakulumbilila ubwanaloli ubwakukwafyannya na yuyo sona nu Mwana wache?

6. Tughananite

Ibayibolo likufwanikizya Abakilisitu ababwanaloli ni vigaba ivyakupambana-pambana ivya mubili wa muntu. Belenga 1 Aba Kolinti 12.25, 26, nu kwamula amalalusyo agha:

• Nkimba Abakilisitu ababwanaloli bakubomba buli-buli pala Abakilisitu abamwabo bakutamiwa?

• Ka mwamanyilapo choni pa mo Abakaboni ba Yehova bakulangizizya ulughano?

Pala Abakaboni ba Yehova bamo bakomana ni ntamyo ku chigaba chimo, Abakaboni abamwabo pachisu chosi ichapasi bakwavwapo mwalubilo. Ennya ichifwanikizyo mu enelezya IVIDIYO. Nu kwamula ilalusyo.

IVIDIYO: Bakajimba ku Chimpepo Icha Hurricane Matthew ku Haiti (5:29)

• Ka ubutuli bo Abakaboni ba Yehova bakapeleka bukulangizya buli-buli ukuti bali nu lughano?

IFUNDO IZYAKUDUMULA

Abakaboni ba Yehova bobo Bakilisitu ababwanaloli. Bali mumbumba yoka iyabuzimu, vyo bakusubila vikufuma mu Bayibolo sona bakumanyisya ukuti ubwanaloli ubwakukwafyannya nu Yehova bumanyikwe.

Ukunyokelamo

• Choni cho tukwitiziwa ni zina lyakuti Bakaboni ba Yehova?

• Ka tukubomba buli-buli ivintu na bamwitu?

• Ka mukusubila ukuti Abakaboni ba Yehova Bakilisitu babwanaloli?

IFUNDO IZYAKONGELEZYAPO

Manya ivyinji ivyakukwafyannya ni mbili yitu.

“Ŵakaboni ŵa Yehova Ŵakalongora Chipulikano, Chigaŵa 1: Kufuma mu Mdima” (1:00:53)

Ennya mo Abakaboni ba Yehova babombela pakususya ivimanyisyo ivyabumyasi.

Abantu ba Chala Bakuchindika Izina Lyache (7:08)

Mwaghe amaansala agha malalusyo gho mungaba nagho aghakukwafyannya na Bakaboni ba Yehova.

“Amalalusyo Aghakukwafyannya na Bakaboni ba Yehova” (Ipeji ilya pa intaneti)

U Sitefani akabengana nkani na bantu bo apambanite nabo umutundu nu kubapangila inkaza. Manya mo akasintila inkalo yache bo ennya mo Abakaboni ba Yehova bakubombela ivintu.

“Umoyo Wane Ukafika Paheni Chomene” (Ichitembe cha Mulindilili icha Chitumbuka, Julayi 1, 2015)