Bwe tulendi hanina lubakusu ha manima ma katastrofe

Katastrofe zazingi zitulumukaka lumbu ti. Katastrofe bu zibwaka, bafweti kubika bisalu bia lubakusu mu mpila ya mbote. Buna Timvuka titwarisaka tiakubikiri departema ya lubakusu mu muna filiale mu bungu dia katastrofe yilendi tulumuka.

Mpangi za departema yo bu ziwâka nsangu za katastrofe, bakuluntu ba tizunga batâka mbila hô nkatika bendo mu zaba nsatu za bisamuni. Tala ti bima biabingi bibebele mpe bisamuni ka bilendi’â biayirika bio ko, filiale mbo yisola mpangi zifwanane mu twarisa bisalu bia lubakusu. Mpangi zo zilendi lomba lubakusu lwa bantu bakaka, makabu na bima bifwanane, peleko balendi sumba mpe balendi kaba bima bita dingana.

Ndandu zazingi zilendi moneka tala ti bayirikiri misamu mu mpila yo. Kâ, bampangi bu babongaka nzengolo za bawu beni, balendi hombesa ngolo, mbongo na bisalulu.

Mpangi zi basolaka ku filiale zilendi zaba mbongo zifwanane na bantu mu hana lubakusu. Mpangi zo mpe zilendi wisana na mfumu za tizunga, zilendi tu bakisa mu sarila manzangu mu tisalu tia lubakusu. Buna bantu ka bafweti’â babonga nzengolo ko ya kutakasa makabu bawu beni, mu hana lubakusu peleko mu kwenda mu mbuka yi tulumukini katastrofe, tala ti ka babalombele’â wo ko.

Kâ bu bwaka katastrofe, nsatu yi bâka neto ya hana lubakusu. (Ebr 13:16) Mpangi zeto za tuzololo! Nti tulendi sa? Musamu wuyôkele mfunu ni mu sambila mu bungu dia bô babwiriri katastrofe na bata hana lubakusu. Tulendi hana mpe makabu mu nzila ya tisalu tia mu nza. Mu lutwalusu lwa Timvuka titwarisaka, filiale zilendi zaba kwe balendi tomo sarila mbongo zo. Tala ti tuzololo mu hana lubakusu, tulendi songela ti ba kubama twena bu tufulusa formilere ya Demande d’admission comme volontaire local de développement-construction (DC-50).

TALENO VIDEO YA NIAMBA YA NGOLO KU BRÉSIL, HA MANIMA HANENO MVUTU MU TIYUVU TITA LANDA:

Nti bita ku susumuna mu bisalu bia lubakusu bia Mbangi za Yehova ha manima ma niamba ya ngolo ku Brésil mu 2020?