TIMOKO 26
Mu bungu dia nti kwe mpasi na misamu mia mbi?
Misamu mia mbi bu mitûlaka, ka bubi’â ko mu tiyula: “Mu bungu dia nti mituriri?” Ntia mpila nsayi mu zaba ti Bibila mvutu dihanaka mu tiyuvu tio!
1. Bwe Satana kakotesela misamu mia mbi mu nza?
Satana, Diabulu wakolamana Nzambi. Yandi wazolo mu tuma bantu, ntiangu katuma Adame na Eva mu kolama mpe kwe Nzambi. Wayirika musamu wo bu katâ bungungu kwe Eva. (Mbatukulu 3:1-5) Yandi wanata Eva mu banza ti Yehova tima tia mbote keri mu swekelaka. Satana wadinga mu tâ ti bantu mbo baketi bâ mu nkatika nsayi tala ti ka batumamane’â Nzambi ko. Bungungu bwa ntete katâ kwe Eva bu katâ ti ka keti’â fwa ko. Ntiangu, Bibila ditâka ti Satana ‘ngungu ye, mpe tata dia bungungu diena.’—Za 8:44.
2. Ngano Adame na Eva nti basola mu sa?
Yehova bima biabingi kahana kwe Adame na Eva. Yehova watâ ti lenda dia bâ nawu dia dia mbutu ya muti ni muti ku nsaba ya Edene, kâ wumosi baketi lembo dia mbutu. (Mbatukulu 2:15-17) Kâ, basola mu dia mbutu ya muti wango. Eva “wabonga mbutu yimosi mpe wadia.” Ha manima, Adame “wadia yo.” (Mbatukulu 3:6) Ba bole bakolama kwe Nzambi. Mu bungu ti Adame na Eva ba lunga beri, lenda dia bâ nawu dia yirika misamu mia sungama. Kâ, bu basola mu kolamana Nzambi, basumuka mpe balosa lutumu lwa Nzambi. Nzengolo’awu yatulumuna mpasi.—Mbatukulu 3:16-19.
3. Bwe nzengolo ya Adame na Eva yita tu tarila?
Adame na Eva bu basumuka, ka bavutu’â bâ ba lunga ko, mpe basamburila masumu kwe bala bawu. Mu bungu dia Adame, Bibila ditêle ti: “Mu muntu wumosi disumu diakota mu nza, mboko mu disumu lufwa lwakota; buna lufwa lwayalangana kwe bantu babansoni.”—Bisi-Rome 5:12.
Misamu miamingi mitunatinaka mpasi. Ntangu zakaka, mpasi tumonaka mu bungu dia nzengolo zeto za mbi. Ntangu zakaka, mpasi tumonaka mu bungu dia nzengolo za mbi za bantu bakaka. Ntangu zakaka, mpasi tumonaka mu bungu ti ha mbuka ya mbi tubâka mu ntangu ya mbi.—Tanga Ekleziaste 9:11.
YIKA NDILU
Tala mu bungu dia nti tulendi têla ti ka Nzambi’â ko tulumunaka mpasi na mbi, mpe bwe kamonaka ku mutima bu tumonaka mpasi.
4. Ngano nani tulumunka mpasi zeto
Bantu babingi bakwikilaka ti Nzambi yâlaka nza. Ngano wa matieleka wena? Taleno VIDEO.
Tangeno Zaki 1:13 na 1 Za 5:19, mpe zonzeleno tiyuvu eti:
Ngano ni Nzambi tulumunaka mpasi na misamu mia mbi?
5. Taluzula misamu mia nata luyalu lwa Satana
Tangeno Mbatukulu 3:1-6, mpe zonzeleno biyuvu ebi:
Ngano ntia bungungu Satana katâ?—Tala verse 4 na 5.
Bwe Satana kadingila mu tâ ti Yehova tima tia mbote keri swekela bantu?
Mu mabanza ma Satana, ngano bantu nsatu ye nawu Yehova kabâ ntwarisi’awu ngatu babâ mu nsayi?
Tangeno Ekleziaste 8:9, mpe zonzeleno tiyuvu eti:
Nti biatûla mu bungu ti Yehova kena Ntwarisi ya nza yi ko?
Adame na Eva ba lunga beri mpe ku Paradi beri bâka. Kâ bawirikila Satana mpe bakolama kwe Yehova
Ha manima ma bukolo, nza yayizi fuluka mu masumu, mu mpasi na mu lufwa
Yehova mbo kakatula masumu, mpasi na lufwa. Bantu mbo bavutu bâ ba lunga mpe mbo bazinga ku Paradi
6. Yehova mpasi zeto kabelokelaka lwaka
Ngano Nzambi ka kipaka mpasi zeto ko? Tataluzuleno misamu mia tsoneka Mutinu Davide na ntumwa Piere. Tangeno Mikunga 31:7 na 1 Piere 5:7, mpe zonzeleno tiyuvu eti:
Ngano bwe wukusaka ku mutima mu zaba ti mpasi zeto Yehova za kakipaka mpe za kabelolelaka lwaka?
7. Nzambi mbo kakatula mpasi zazansoni za bantu
Tangeno Izaya 65:17 na Nzabukusu 21:3, 4, mpe zonzeleno tiyuvu eti:
Mu bungu dia nti we musamu wa mbote mu zaba ti Yehova mbo kakatula misamu miamiansoni mia mbi mia tulumuna bantu?
Ngano wa wazaba?
Satana bu katâ bungungu bwa ntete, wazonzela Yehova bubi. Mpila mosi, wayizi bebesa nkumbu ya Yehova we Ntwarisi ya luzolo na ya nsungu. Ntamana, Yehova bu kamanisa mpasi za bantu, mbo katinwanina. Wuzololo tâ ti mbo kasongela ti Yandi ni ntwarisi ya matieleka yiyôkele. Nwanina nkumbu ya Yehova ni musamu wuyôkele mfunu mu nza.—Matie 6:9, 10.
TALA TI BAKUTÊLELE: “Mpasi lweka lwena lwa kani dia Nzambi mu bungu dia beto.”
Ntia mvutu hana?
MU BUKUFI
Satana na bantu ba ntete bê na dema diadingi mu bungu dia mpasi ze mu nza. Yehova mpasi zeto katomo belokelaka lwaka mpe ntamana mbo kamanisa zo.
Biyuvu bia mbambukulu
Ntia bungungu Satana katâ kwe Eva?
Bwe bukolo bwa Adame na Eva buta tu tarila?
Bwe tuzabiri ti Yehova beto kabelokela lwaka?
ZABA BIAKAKA
Zaba bwe Bibila dizonzelaka masumu.
Tomo zaba musamu watulumuna Satana ku nsaba ya Edene.
“Mu bungu dia nti Nzambi kata bikila mpasi?” (Nzo ya Zangama ya Munkengi, 1er janvier 2014)
Taluzula mvutu za mbote zi hanaka Bibila mu tiyuvu tio tia mpasi.
Zaba misamu mia longoka bakala dimosi mu mpasi zi keri monaka mu tizunga tiandi.