Buni buli makengelo mobe ma nkungu zikuvwa?

LOLA BUNI BWATENDA BIBLIA

“Kalaga . . . ekanyonyona (ekatikya) bisozi binsania ku meiso mabo, nu lukuo talukaba lingo, takukaba kabebe lingo, aba idilo, aba mbabazio. Kubuno bitondo bitangi byatingile.”​—Kulolesibwa 21:3, 4, idagi lya kalaga.

WABE NA BUSOGA BUKI NDI WAMENYA LIGISYA LILYO LYA BIBLIA

Gankungu zezo ukaba na kalamo kasoga kakukukasa mbogimbogi.​—Isaya 65:21-23.

Mu nkungu zezo ntuka samba lingo aba kuba na mbabazio.​—Isaya 25:8; 33:24.

Wabe na mbogimbogi nu kalamo ka milyalya gamozi na kikanga nu biida bobe.​—Nimbo 37:11, 29.

TUNEEMA LEBELEBE KUKATIZIA BUNO BIBLIA ZILI MASANZO MA KALAGA?

Lebelebe. Kuli tangi bukokomezio bubili:

• Kalaga eli na magala ma kuzindilizia idagi lilyo. Mu Biblia, Yehowa winyene u wamanwa “Mwiya Mayombo,” ku buno eli na magala mete na kuzinda. (Kulolesibwa 15:3, idagi lya kalaga) Lebelebe aneema kuzindilizia idagi lyage lya kukita kalamo kabe kasoga mu kisi. Ukinsa Biblia byatenda buno “tabunakulungana ku bantu, tondo bunakulungana ku Kalaga.”​—Matayo 19:26, IDAGI LYA KALAGA.

• Kalaga ekutunda kuzindilizia idagi lilyo. Yehowa ekuelama kuyukya bakuzi beli munsinda.​—Yobu 14:14, 15.

  Lingo, Biblia bya losya buno Yesu, mwana wa Kalaga, onezie basambi ku kabamba kakizi ka kitinde bubo? Ku buno atundaga (alosyaga lutundo). (Marko 1:40, 41) Yesu asusanizye Ise mu lukita lwa kalamo kage mu nzela za sililila, abezaga na nkasa za kukasya bantu ku meijanizyo mabo.​—Yoana 14:9.

  Kwobo tuneema kuba na kilemalizio kya buno Yehowa nu Yesu bekutunda kutukasia tube na mbogimbogi za kalamo kasoga ka nkungu zikuvwa!​—Nimbo 72:12-14; 145:16; 2 Petro 3:9.