Bantu bakule baneema kulama lingo?

LOLA BUNI BWATENDA BIBLIA

“Kukaba iyukilo lya bakuzi.”​—Misako 24:15, idagi lya kalaga.

WABE NA BUSOGA BUKI NDI WAMENYA LIGISYA LILYO LYA BIBLIA

Wabobelezwe ndi wakwilwa na wozo uwelama.​—2 Bakorinto 1:3, 4.

Ntwakwe lukuo booba lingo.​—Baebrania 2:15.

Wabe lebelebe na kilemalizio kya kusambizia bakule bawelama.​—Yoana 5:28, 29.

TUNEEMA LEBELEBE KUKATIZIA BUNO BIBLIA ZILI MASANZO MA KALAGA?

Lebelebe. Kuli tangi bukokomezio busatu:

• Kalaga u wabumbile kalamo. Biblia bya mumana Yehowa Kalaga “ukanuabalongo ka kalamo.” (Nimbo 36:9; Misako 17:24, 25, idagi lya kalaga) Wenyene uwakasile bingo bibumbwa kalamo. Kubuno eli na magala ma kusubaniza lingo muuza wa kalamo wozo wakule.

• Wakalazi Kalaga iyukize bakuzi. Biblia byatendela bantu kinana (8) babezaga bakwa bayukizwe nu kulama lingo mu kisi. Kubo kwa bezaga baana, bakungu, balume, nu bakikulu. Bamozi kubo bayukizibwe mu nkungu nkeke na gabekwila, tondo umozi kuubo iyukizibwe kutuka mu nsinda kusila kwa bindi binazi!​—Yoana 11:39-44.

• Kalaga ekutunda lingo kuyukya bakuzi. Yehowa asomba lebelebe lukuo; ekumona lukuo ntu buno mwiti (mugoma). (1 Bakorinto 15:26) Yehowa eli na mpusya za kuzikya lebelebe wono mwiti, nu abukite kutingila kuyukya bakuzi. Ekutunda kuyukya bakuzi babo beli mu makengelo mage, kuzinda kubayukya belame lingo milyalya gano gakisi.​—Yobu 14:14, 15.