Makengelo mobe meli buni, kuli busi mbabazio zikazinda?

LOLA BUNI BWATENDA BIBLIA

“Kalaga . . . ekanyonyona (ekatitimuna) bisozi binsania ku meiso mabo, nu lukuo talukaba lingo, takukaba kabebe lingo, aba idilo, aba mbabazio.”​—Kulolesibwa 21:3, 4, idagi lya kalaga.

WABE NA BUSOGA BUKI NDI WAMENYA LIGISYA LILYO LYA BIBLIA?

Wabe na bulili bwa kumenya buno mbabazio zitukumonaga tazikulisibwa na Kalaga.​—Yakobo 1:13.

Wabogeboge ndi wamenya buno Kalaga ekwiyungwaga bubi mu nkungu zitukubabazwa.​—Zekaria 2:8.

Wabe na kilemalizio kya buno mbabazio zinsanya zikazinda.​—Nimbo 37:9-11.

TUNEEMA LEBELEBE KUKATIZIA BUNO BIBLIA ZILI MASANZO MA KALAGA

Lebelebe. Kuli tangi bukokomezio bubili:

• Kalaga ekusomba bantu bekusungya bango. Kengela bwajungwaga Yehowa mu nkungu za wakalazi gasungibwaga bantu bage kwa butombo, Biblia byatenda buno ababazibwe mutima “ku kabamba ka miyabilo ku bantu babo babezaga bekubabazia binyabo nu kubasungya.”​—Ngatu 2:18, idagi lya kalaga.

  Kalaga asomba beku babazia bango. Anga buno bwatenda Biblia “Maboko makukubula mikila ziteli na katati” masombwa na Yehowa.​—Misumo 6:16, 17, idagi lya kalaga.

• Kalaga ekulanga nawe na wetu. Kengela buno naa muntu izi nsungyo nu mbabazio z‘eli muzo kasi Yehowa leno!​—2 Nkiko 6:29, 30.

  Bwigi gano kutingila Bukota bwage, Yehowa azindye mankunku manse ma naa muntu. (Matayo 6:9, 10) Nu mu nkungu zezo kutingila kyombo kyage abobelezye bansania beku mulonda na mutima unsania.​—Misako 17:27; 2 Bakorinto 1:3, 4.