Lebelebe nazi u wangata kino kisi?

LOLA BUNI BWATENDA BIBLIA

“Kisi kinsanya kili kunsi kwa bwangato bwa wozo mubi.”​—1 Yoana 5:19.

“Mwana wa Kalaga amonekileko . . . kubigya makitilo ma Satana.”​—1 Yoana 3:8, IDAGI LYA KAGALA.

WABE NA BUSOGA BUKI NDI WAMENYA LIGISYA LILYO LYA BIBLIA

Wamenye lebelebe ku buni mbabazio zili mu kisi.​—Kulolesibwa 12:12.

Wabe na kilemalizio kya buno kisi kino kikaba kisoga.​—1 Yoana 2:17.

TUNEEMA LEBELEBE KUKATIZIA BUNO BIBLIA ZILI MASANZO MA KALAGA?

Lebelebe. Kuli tangi bukokomezio busatu:

• Bukota bwa Satana bwa sungibwa. Yehowa akakizia lebelebe kuzikya bukota bwa Satana ku bantu. Akasene kilemalizio ‘kuzikya . . . Diabolo’ nu kuzindilizia bubi bunsenya bwa lusizwe na bwangato bwa Satana.​—Baebrania 2:14, idagi lya kagala.

• Kalaga iimikile Yesu Kristo ebe mukota wa kisi. Lebelebe Yesu engukana na Satana. Satana ikile mukota mukali, tondo ekulonda mutali wage. Kukulungana na bukota bwa Yesu, Kalaga atukasa kilemalizio kikino: ‘Akaba na kyombo ku muzambi nu wozo ukwiyanina. Nu we akakulula kalamo kabo ku kubengwa nu kunyagwa.’​—Nimbo 72:13, 14, idagi lya kagala.

• Kalaga ntanavwama kutenda buza. Biblia bya sola bulili buno: “Kalaga ntanavwama kweka [kutenda] buza.” (Baebrania 6:18, IDAGI LYA KAGALA) Ndi Yehowa alaga bwena, ndi bweli anga bwa bende kalazi! (Isaya 55:10, 11) “Kano kaluma mwangati wa kisi kikino ekwiswa kumbuga.”​—Yoana 12:31, idagi lya kagala.