Kiki kinakita kikanga kyobe kibe na mbogimbogi?

LOLA BUNI BWATENDA BIBLIA

“Mbogimbogi nunse ku babo bekungwa ku idagi lya Kalaga nu kulyanza!”​—Luka 11:28, idagi lya kagala.

WABE NA BUSOGA BUKI NDI WAMENYA LIGISYA LILYO LYA BIBLIA?

Wabe na lutundo lwa lebelebe.​—Baefeso 5:28, 29.

Wabe na bwanzi.​—Baefeso 5:33.

Wijiungwe busoga.​—Marko 10:6-9.

TUNEEMA LEBELEBE KUKATIZIA BUNO BIBLIA ZILI MASANZO MA KALAGA?

Lebelebe. Kuli tangi bukokomezio bubili:

• Kalaga u walingizie kikanga. Biblia byatenda buno: “Mweli kikanga . . . kyinikwa izina” na Yehowa Kalaga. (Baefeso 3:14, 15, idagi lya kalaga) U kubula buno, ndi kwikile kikanga, Kalaga uwakilingizie. Ku buni twatunganana kumenya bubo?

  Tutende buno: Ndi walya idia isoga liwatunda, nu ukutunda kumenya kiki ki bisile kwa kulunga idia libe nse uneema kubuzia nazi? Wozo wiyikile lilyo idia.

  U bubo, ndi twatunda kumenya buni buneema kikanga kyitu kibe na mbogimbogi, twatunganana kubuzia Yehowa, ku buno we uwalingizie kikanga.​—Kulinga 2:18-24.

• Kalaga ekutulanga. Bwatunganana ndi na we mu kikanga alemba lusungu lukutukasa Yehowa kutingila Biblia musago wage. Ku buni? ‘Kubuno wenyene ekutulanga.’ (1 Petro 5:6, 7, idagi lya kalaga) Yehowa ekutunda kalamo kobe kabe kasoga, nu kila busi lusungu lwage lukubogyabogya!​—Misumo 3:5, 6; Isaya 48:17, 18.