Bi 8

Yesu ngʉ loti tsuba djo tingʉe ndi ná Roma nǎ bbasødda djo. Yesu nzá bbangʉeri nga kʉ chø ná lo ndrŭ nji ndi ró ná føri liri ndi nanga kani ka ndirigoti ndi li lo ndi thí na ri. (1 Pe. 2:23) Yesu bbai ringani ko njí nja ndrŭ zø maddi. (Kol. 3:13) Njaro njʉ maddi nja ndrŭ ka ndima gʉ kodhó lo gʉ dhonalo kpa nzá chu kodhó udha ri inga ko adi nji ná lo ri. Kpa ka ndima sha kali maddi ko djo, ndima pá do ma ko djo, ndima sa kodhó vichapo ma, inga ndima njí chelo maddi ko ró. Fø kpa djo ko nanga ka ndi kani nari rɨngana, ko ka ko nziri Yova tsó ke kó kpa tsotso nja kpa chú bbʉbbʉlo d’e. (Mt. 5:44, 45) Nja saa na, ri ka ndi é kpakpa ko njí ndrŭ zø njati rie che kʉ ná lo ndrŭ nji ko ró ri ro. Ro njati ko nanga di kani bbo ndirigoti ko di lo li ko thí na ró, føri na ko chelo nji ko nganga ró. (Zb. 37:8) Njati ko vʉri ko njí ndrŭ zø ró, ko nzɨ adi ribba ndrŭ nji ná lo li thø ko thí na ri.​—Efe. 4:31, 32. w21.04 8-9 §3-4

Nidzá ji ni ji ná le ro ká le tenga rie b’lo? Føri kʉ le thí ka ndi bʉ ná lo! Addinga ngbaribbai ma Yova mbungʉe ndi nari djo kedzá ra nǎ familia tsángʉe ke ro ná saa na! (Yud. 6) Ndirigoti adddinga ngbaribbai ma ke thí bangʉe njedha kedzá ji ke ji ná ndrŭ, Waizraeli tsangʉe ke ro ná saa na nari djo. (Zb. 78:41) Achuri nari kʉ kodhi ra nǎ Baba thí adi njedha ba bbo njati ji ni ji ná le bbá ke ró. Ke adi ni hwini tso ró ná kpakpalo famu nì. Ke ka ndi dhǒ zølo ni dho ndirigoti ke ka ndi bbʉ kpakpanga ni dho ndiro ni ve fø kpakpalo tso d’e. Njati ddikpa gø dhi ndrŭ dhi kpetsi ngba inga singba ngba bbá Yova ró, gø dhi ndrŭ adi ridhu ndima tsó, ndima ká ka ndima njie ddikpa lo ro maddi ndiro nzɨ fø ngba bbá Yova ró. Ddikpa le-djo pori ɨ: “Ma ngʉ adi lod’i ma djo ma má ro. Fø lo ngʉ adi njedha bbʉ bbo ma thí dho. Ddikpa le-ve ma bangʉeni fø di ná lo na ddi, le pongʉeri: “Njaro ma ká nji kosa? Ma ngʉ adi ma mbu nzá ddi longa bblo madzá ngba dho nari bbai ndiro ngba ji Yova d’e.” w21.09 26 §1-2, 4

Bí kʉ ná ndrŭ adi riddi nari kʉ, Yova dzá Dimu nzá ka ndima ddi Biblia nǎ lo ro ri, dhonalo kpadhó ngae teoloji nǎ diplome ro ri. Ro ndrŭ dho ringani ndima ne lonanga bblo. Føri i kʉ Enjili ndi ná ke Luka ngʉ ji ndi njí ná lo. Ke ngʉ rine ndi chu lo “krʉ kʉ ná lo djo d’ʉ ri tso ngani ná nga djo ró nganga.” Ke jingʉeri ndidzá buku zø ná ndrŭ “chulo bblo” Yesu djo ndima rr ná lo na. (Lu. 1:1-4) Beroya nǎ ngʉe na Wayaudi ma ngʉ rinji Luka bbai ddi. Ya kwanza kpa rrngʉe hwé dhi lo-i Yesu djo ná saa na, kpa nengʉe ndima chu Kiebrania nǎ maandiko nǎ kʉ ná lo ndiro ndima nja ri ká bbʉbbʉ nì ma nari d’e. (Mdo. 17:11) Kpa ngʉ rinji nari bbai, njʉ maddi ringani ndrŭ di lonanga ne fø. Mungu dzá ndrŭ ddi kpa dho ná mafundisho nanga riji kpa di ne bblo ndiro kpa chu ngbaribbai ma ri tso gbani Biblia nǎ lo na nari d’e. Ndrŭ dho ringani ndima di lo zø Yova dzá ndrŭ ngʉ nji drrdrr ná lo djo maddi. Njati ndrŭ di lonanga ne bblo ró kpa nzá ka ndima bbá ndrŭ po ná lo liri ndima bbá Mungu dho ndima njínji nari tso ro ri. w21.05 3 §7-8

Nidhó kutaniko nǎ ká kʉ ni bba ni ka ni kó ná le ro maddi? Nja saa na ko lai Wakristo adi hwè ba bbo njati ko ba saa ko di kpa ma na ró. Nja ndrŭ dho rie kpakpa ndima di ndima dhó familia nǎ ndrŭ na, kpa di nzá tso gbani Biblia nǎ lo na ná fete nji ná saa na. Nja ndrŭ adi ndima mbu d’idhé bbobbo ddo nga ndima dhó familia nǎ ndrŭ di no ná dyi, loroji na, føri kʉ le gøni ná ddo le má nari inga checheni ná ndrŭ dhó ddo nga le no nari ma. Ko di saa ba ko di fø di ná lo na bani ná le-djoi ma, le-vei ma na ró, føri na ko ridho ko “ngaddi nì kpa djo.” (Flp. 2:20) Wakristo adi ndima mbu ddiro kʉ nari bbai dho ná lo e bí. Yova churie ngbaribbai ma fø kpa ndima mbu nari ngbà. Ke adi kodhó loji ná ritsi bbʉ krʉ ko dho ko djoi ma, ko vei ma na chulu. (Mt. 12:48-50) Kutaniko nǎ le-djoi ma, le-vei ma na tsotso ko kó nari chulu, ko adi ridho ko po mbai Yova dho. Ko di ko mbu ngbaribbai ma ró, kodho ringani ko churi Yova kʉ nì ko na, ko nga kʉ ddiro ri! w21.06 13 §18-20

Yesu dhó nganjadha ngʉe bblo lod’radha dhi njí kana nzɨ mai ndrŭ ngʉ adi kedhó lo u ro. Ká addudho? Ke chungʉeri nari kʉ bí kʉ ná ndrŭ ka ndima jieri ndima chulo Mungu djo ndirigoti ke jingʉeri ndi kó bí kʉ ná ndrŭ tsotso ndiro ndima chulo Mungu dhó Pidhinga djo d’e. Ke chungʉe nari kʉ njati nja ndrŭ ue Mungu dzá lo anziro nzá ma ró, luti kpa ka ndima ue ri ngbà. Addinga kedhó familia nǎ dangʉe ná lo djo. Cho gbo na nusu kana ke d’rangʉe lo ná saa na, ke djoi kana ddikpa ke ro ma nzá ddi ngʉngʉe ke una ke ri. (Yoh. 7:5) Ro kpa ngʉngʉe Wakristo ke ga nari goti. (Mdo. 1:14) Ko nzá chu ie ma ka ndi si ngʉ Yova dzá njí dhi ke nari ri. Nja ndrŭ adi hwè dhi lo-i u lele ndirigoti nja ndrŭ adi ri u dzodzo. Nzɨ mai nja kʉ ná ndrŭ adi kodhó lo u ro, kpa di kodhó bblo kʉ ná nyi nja ndirigoti kodhó nganjadha kʉ bblo lod’radha dhi njí djo nari nja ró, kpa ka ndima bbʉ “madha Mungu dho.” w21.05 18 §17-18

Yesu ngʉe dz’ djó ná saa na, ke bbʉngʉe aro nǎ sehemu kʉ ná njí ndi unakpa dho. Ke pongʉeri kpa d’ra Pidhinga dzá hwè lo-i ndirigoti ke dhongʉe ngbaribbai ma kpa ka ndima njiri nari. (Lu. 8:1) Loroji na, Yesu pongʉe ndi unakpa ka ndima nji ná lo njati ndrŭ u hwè dhi lo-i u ma inga nzá ma ró. (Lu. 9:2-5) Ndirigoti ke d’rangʉeri nari kʉ ndi unakpa ka ndima d’rae lo bí kʉ ná ndrŭ dho ndirigoti bí kʉ ná nga lu ɨ ke pongʉeri ro, kpa si “ushuhuda bbʉ krʉ kʉ ná ndrŭ bbu dho.” (Mt. 24:14; Mdo. 1:8) Ke pongʉeri ki ndi unakpa ddi lo ndrŭ dho ndiro ndrŭ rrnga krʉ ndi jangʉe ná lo dho d’e. Yesu pongʉeri fø bbo na mana kʉ ná njí ka ndi rae anzi kpø kodhó saa djo, “kpø ngasini ná saa djo.” (Mt. 28:18-20) Ndirigoti Yohana dho Yesu dhongʉe ná nyo nǎ, ke pongʉeri nari kʉ ndi jiri ndi unakpa krʉ kó ndrŭ tsotso ndima chulo Yova djo.​—Ufu. 22:17. w21.07 2-3 §3-4

Njʉ dz’ djó bí kʉ ná ndrŭ adi ndima nja pli nja ndrŭ djolu. Loroji na, turusa nji ná ke ka ndi jiri ndi ba ritsi pli ndi lai ke djolu ndirigoti føri dho ke ka ndi njí chelo maddi nja ndrŭ ró ndiro ndi ba ritsi bbo d’e. Ndirigoti dja bbla ná ke, ka ndi vó ndi lai ke ronga vó ndiro ndima sisi kpa djolu d’e. Darasa nǎ ngba ka ndi d’u majibu exame dhi saa na ndiro ndi ra bbo chuni ná darasa na d’e. Ko Wakristo, ko churi nari kʉ føri kʉ che kʉ ná nyí ndirigoti “ri kʉ le ndí dzá njí.” (Gal. 5:19-21) Ri ká ka ndi kaka kutaniko nă le-djoi ma, le-vei ma na di ndima nja pli nja ndrŭ djolu ndirigoti nja ndrŭ ká ka ndima dyø kpadhó loroji ddi? Føri kʉ bbo na mana kʉ ná ngadhudha dhonalo njati ko di ko nja pli nja ndrŭ djolu ró, ko tso nzá ka ndi gbani ddi kutaniko nǎ ri. Ri kʉ bblo ko nja Yova dzá anziro ngʉe ná njí dhi kpa dhó loroji, nzɨ ndima ngʉ adi ndima nja pli nja ndrŭ djolu ro. w21.07 14 §1-2

Chi kʉ ná jidha adi ko ronga cho, ko kó bʉ thí bʉni ná ndrŭ tsotso. Bblo kʉ ná bí kʉ ná le-djoi ma, le-vei ma na adi kutaniko nǎ bʉ thí bʉni ná ndrŭ tsotso kó ko. Kpa adi jidha dhǒ ndima djoi ma, ndima vei ma na dho ndirigoti kpa nanga adi jini ji fø ndrŭ tsotso ndima kó nari dho. (Mez. 12:25, maelezo ya chini; 24:10) Mutume Paulo lingʉe ko kpakpa ndiro ko ma di rinji føi, ke pongʉeri ɨ ná saa na: “Aniti le iso ka ndi pɨ ná lo bʉ thí bʉni ná ndrŭ dho, aniko nga ró klø kʉ ná ndrŭ tsotso, anive krʉ kʉ ná ndrŭ tso.” (1 Te. 5:14) Bblo ni ka ni kó bʉ thí bʉni ná le-djoi ma inga le-vei ma na tsotso ná chu kʉ, ni rr kpa po ná lo ndirigoti ni dhori kpa dho nari kʉ ni ji kpa ji. Yova nanga adi jini bbo, ni nji ná lo dho ndiro ni kó ndidzá bbo na mana kʉ ná njí dhi kpa tsotso d’e. Mezali 19:17 pori: “Zølo be vʉ tso vʉni ná ke djo ná ke ri wø Yova dho ndirigoti Yova si ke kobe bbʉ ke nji ná lo dho.” w21.11 10 §11-12

Kpadjo ká ko ka ko njí addu ndiro ko tayarisha ko gosi ná saa dho d’e? Ringani ko nanga di jini kodhó kʉ ná ritsi dho ndirigoti ko nanga di jini bbo ko kana nga kʉ chøchø Yova na nari dho. Njati ko chu Mungu bblo ngbá ró, ko ka ko uri u nari kʉ ke si ko ronga b’o ni Gogu dhi Magogu si lɨta ná saa na. Kodhó njʉnga dhi andiko addudho ma Daudi lingʉe ndi thí Yova djo nari nga tu. Daudi ngʉ adi ndi thí li Yova djo bí ina, ndirigoti kedzá Mungu nzá bbangʉe ke ro ddikpa cha maddi ri. Jadda ke ngʉe ná saa na, ke hwingʉeni kelé ngʉe ná mufilisti Goliata tso ró ndirigoti ke pongʉeri nga ró do ro: “Njʉ dhé Yova si ni bbʉ ma thó thi na.” (1 Sa. 17:46) Ndirigoti pi Sauli dhó njí Daudi ngʉ nji ná saa na, Sauli mbungʉeri bí ina ndi hwi ke hwi, ro “Yova ngʉe” Daudi na nì. (1 Sa. 18:12) Daudi njangʉe Yova dhó ngatsotsokodha ro b’lo bí ina anziro nari dho ke ungʉeri u Yova ka ndi kó ndi tsotso ngbà ndi bani na ná mbudha kana. w22.01 6 §14-15

Yova nji ná lo krʉ kana, ke adi ngatsove ndiro ndi njiri d’e. Ke adi rinji fø nja ndi ró dho ba madha ndirigoti nja ndrŭ maddi ba faida d’e. Loroji na, akonja ngbaribbai ma Yova thɨngʉe dz’ djó nga dzodzo ndrŭ dho nari. Ngbaribbai ma ri le nongʉe nari djo Biblia tilo nari. Ri tilo “ri dzá danga” ma, “ri tøni na nga” ma, “ri mbess kʉ ná dju djo” maddi. (Yob. 38:5, 6) Yova bangʉe saa ndiro ndi ddinga ndi nji ná ritsi djo d’e. (Mwa. 1:10, 12) Ni ká ngaddi nì ngbaribbai ma malaiká rrngʉe ndima Yova nji ná ritsi ndima ngʉ nja nari djo? Føri løngʉe kpa thí ronga bbo. Føri dzá lodho ddikpa saa na, kpa ngangʉe “bbobbo ndima chu na ndima hwè nji nari tso.” Fø lo nǎ ro ká ko ba ngbá somo? Cho løfu kpari kana Yova nongʉe ritsi ro, ke vengʉe ngaddi ndi no ná ritsi djo ná saa na, ke ka ripo ri kʉ “bblo pli nganga.”​—Mwa. 1:31. w21.08 9 §6-7

Yesu dhó loroji nǎ, ddikpa ke ngʉ ripɨ ndi ra safari djo. Ro ke tuni nari njí, ke nzingʉe ndidhó nokpá ndirigoti ke bbʉngʉe talanta dhi mbø kpa nji na turusa d’e. Ke bbʉngʉeri kpa kana nja ke ddiro dho kpadhó uwezo kʉ nari bbai. Ya kwanza ke dhona ke bbʉngʉe talanta tano, ddike dhona ke bbʉngʉe talanta mbili, ndirigoti ya tatu ke dhona ke bbʉngʉeri ddikpa. Aro kʉ ná nokpá njingʉe ndima dhó patro bbʉ ná njí bblo pli ndirigoti kpa njingʉe njí kpakpanga na. Fø ridho kpa ndringʉe patro dhó talanta ki aro ina, kpa bangʉe ndima kobe ndima njinjí kpakpanga na ndirigoti ufundi na nari dho. Patro nanga nzá jingʉeni ji dhé ri, ro ke bbʉngʉe nja njí ki maddi kpa dhona! w21.08 21 §7; 22 §9-10

Yova adi ndi kʉ ngatsovedha na nari dhǒ nga sini ná i saa na. Ke nzá jiri ndi sa ddikpa le ma ddiri. (2 Pe. 3:9) Ke bba saa ndrŭ krʉ dho ndiro ndima leni le. Ro kedhó ngatsovedha tso si d’ød’ø. Gʉ kedhó Pidhinga gʉ ná ndrŭ si Musa dhó saa na bangʉe Farao ná lo ba. Yova pongʉeri Farao dho: “Njati ma ddae ma thó, ma ti ni tso nidzá ndrŭ ma na che kʉ ná dhe na ró, ni tso ka ndi dyaeni dya dz’ djó ro. Ro ma bbari ni di shi: nja ni nja madzá kpakpanga ndiro ma rodho d’rani dz’ djolu gble d’e.” (Kut. 9:15, 16) Njʉ nga dhi andiko nǎ le ripo le si ritsi nanga jaja nari na mana kʉ, gʉ Yova dzá lo gʉ Farao bbai ná ndrŭ si sadha ba theinga dho nari. w21.09 18-19 §17-18

Ni ká kʉ njedha na nidzá ji ni ji ná le inga ná ke ngʉ mutengwa nari dho? Nde ni ká ka ni njiri ngbǎ ri é kutaniko nǎ nja ndrŭ nzá thonga ná loti ni djo ró? Kodho ringani ko churi nari kʉ ndrŭ krʉ nzá ka ndima po bblo lo dhé ri. (Yak. 3:2) Ko kʉ nzá kaka ná ndrŭ nari dho bí kʉ ná ndrŭ nzá churie ngbaribbai ma ndima ka ndima po kpakpa ka ndi li ndrŭ ná lo nari ro ri ndirigoti nja saa na ndrŭ ka ndima po ko ni ná lo ko ka ko famu che nzá mai ndrŭ pori che ndima thí na ro. Anonga nari kʉ, mutume Paulo pongʉeri ɨ: “Anive nitso ni kalu ndirigoti anidi ni zø njinji njati ni kana ddikpa ke e bbø dho ndi ka ndi bbø ndi lai ke djó ná lo na ma ró.” (Kol. 3:13) Akodi chi tøni ná familia tsotso kó ko. Kpa dhó lo jiri ni dhǒ jidha ndirigoti ni li kpa kpakpa. (Ebr. 10:24, 25) Nja saa na mutegwa kʉ nǎ ná familia adi ndima mbu bbatengwa kʉ nari bbai njati ko di loti nzá ndima na ró. Ro kodho nzá ringani ko di riddi føri! Njati ddikpa gø dhi ndrŭ dhi ngba bbá Yova ró, ringani ko li kpa kpakpa. w21.09 29 §13-14; 30 §16

Ngó le ma di loti ndima kana jadda ke na ná saa na, kpa ka ndima li ndima kpakpa. (Ro. 1:12) Jadda kpa ni di rinji fø ró, ni ka ni njari nari kʉ, Yova ngaddi ni ndidzá njí dhi ndrŭ djo ndirigoti ngó le ka ndi mbu ndi bblo. Ke ka ndi é hwè na ndi d’ra ngbaribbai ma Yova le ndi ronga nari ni dho. Le ndí d’ani nari adi sini si ngó le ngʉ ná saa na, ro chi tøni Yova dho ná ngó ndrŭ adi d’ani ke nyǒ djó krʉ cho ró. (1 Te. 1:2, 3) Fø lo ká kʉ bbʉbbʉ addudho? Dhonalo cho da nari bbai, Yova dhó roho takatifu chulu kpa mazoezi ba ndirigoti føri kpa tsotso kó ndiro kpadhó bblo kʉ ná sifa dhidhi d’e. Njati ko chu ngó ngʉ ná ko djoi ma, ko vei ma na bblo, ko di heshima bbʉ kpa dho ndirigoti ko di rine ko chulo kpa dhó ro ró, ko ka ko nja kpa mana na bbo! Kutaniko adi ngʉ kpakpa dho nari nga kʉ jadda kpa ngó ndrŭ nja mana na nari dhé ri, ro ri kʉ ngó ndrŭ maddi jadda kpa nja mana na nari. w21.09 7 §15-18

Njati rie nì ko adi zølo dhǒ nja ndrŭ dho ri ró, ko ka ko njí ná nja lo ki ma kʉ ddi. Zølo na kʉ ná ndrŭ adi rine ndima nji ná lo kó nja ndrŭ tsotso. Ko krʉ dho ringani ko nja kodhó familia nǎ ndrŭ dhó lo ma, kutaniko nǎ ndrŭ dhó lo ma, ko ishi na ná nja ndrŭ dhó lo ma na bblo. Bbʉbbʉ dhé, zølo le ka le dhǒ ná chu kʉ bí! Ko ká ka ko njiri ngbà njati ddikpa le dhó loji le tsotso kodha ró? Ko ka ko kó le tsotso, njaro nyo na ma, inga ledhó loji ná nja ritsi na ma. Mutengwa djo ro ngʉ ná le ko ka ko li kpakpa bblo kʉ ná kau adi rinji nari bbai. Ko ka ko d’ra hwè dhi lo-i nja ndrŭ dho. (Yob. 29:12, 13; Ro. 10:14, 15; Yak. 1:27) Njati ko chu fø di ná lo le ka le nji dho ná ndrŭ ngbà ró, ko ka ko nja ngbaribbai ma ko ka ko kó kpa tsotso nari. Njati ko di zølo dhǒ ngbà ró, ko ka ko bbʉ hwè kodhi ra nǎ Baba thí dho dhonalo ke kʉ bbo adi “zølo dho” ná Mungu! w21.10 13 §20-22

Fø Zaburi nǎ, Daudi d’ra bbo na mana kʉ ná lo, loroji na ke d’ra Mungu ngʉ bbʉ ndi dho ná bblo ritsi dhonalo ke ungʉeri u Mungu e ndi ró rø ná ke. Yova ngʉ chutso ddá ke dho “chø kʉ ná chu nǎ,” ndirigoti ke kongʉe ke tsotso bblo lo dhi saa na ma, kpakpalo dhi saa na maddi. Daudi chungʉeri nari kʉ, Yova ndi ronga b’o nǎ ná “paturaje nǎ” nzá ndidhó shinga ro ka ndi tsu hatari na ri. Nja saa na ke thí ka ndi bʉeni bʉ ddiddi “mbì nanga ti ná ngødjǎ lu” bbí nari bbai, ndirigoti ndi si hwini mbubai tso ró nari dho. Ro Yova ngʉe ke ró rø ná ke nari dho, Daudi nzá ka ndi “njie ddikpa kpakpalo do ro maddi ri.” Daudi ká “kosa ngʉe bblo ritsi ro ddikpa” ma nzá ddi ngbá chu nǎ? Ke ngʉe ndidhó loji ná ritsi na krʉ ndiro ndima kana nga má chøchø Yova na d’e. Kedzá hwè nzɨ ngʉ adi si kimwili nǎ ritsi nǎ ro ri. Daudi ngʉ adi hwè ba Yova bbʉ ndi dho ná ritsi dho. Bbo na mana ngʉe ke dho nari kʉ Yova ngʉ ke ronga le ndirigoti Yova ngʉ ke ronga b’o nari. Daudi dhó loroji ngbaribbai ma ringani kodhó nganjadha é bblo kimwili nǎ ritsi djo nari dhǒ ko dho. w22.01 3-4 §5-7

Historia ridho nari bbai, bí kʉ ná Yova dzá Dimu ngʉ adi lod’ra dho ná ndrŭ nzɨ ngʉ adi riji ndima rr lo ri. Loroji na, Noa ngʉe “chø kʉ ná lo d’ra” ná ke. Njaro ke d’rangʉe lo cho bí. (2 Pe. 2:5) Njaro, ke ngʉ riddi nari kʉ, ndrŭ ka ndima rr ndi d’ra ná lo ngbà, ro ke ngʉ d’ra ná lo ká ndrŭ ka ndima rr e rr ma inga nzá ma nari ro nzá Yova d’rangʉe ke dho ri. Fønga rɨngana ke d’rangʉeri Noa chɨ bbú, Mungu pongʉeri: “Nde nidho ringani ni tsu bbú na ni ma, nidzá kpetsi nzø ma, ni bbá isɨle ma, nidzá kpetsi nzø bbá dhɨ ma na.” (Mwa. 6:18) Ndirigoti Noa ngʉ ngaddi ndi si chɨ ná bbú dzá bbonga ma, ridzá danga ma na djo ná saa na, ke chungʉeri nari kʉ ndrŭ krʉ nzá ka ndima rr lo ri dhonalo ndrŭ krʉ ro nzá ka ndima kae safina na ri. (Mwa. 6:15) Ko churi nari bbai ddikpa le ma nzá ddi rrngʉe Noa d’ra ná lo ro ri. (Mwa. 7:7) Yova ká ngʉ riddi nari kʉ Noa nzá ka ndi d’rae lo bblo ri? Ri nga kʉ føri! Yova chungʉeri nari kʉ Noa ka ndi d’rae lo bblo ngbà dhonalo ke ngʉ adi Yova po ndi dho ná lo nganga nji.​—Mwa. 6:22. w21.10 26 §10-11

Anzi ngaddi ngbaribbai ma, Ruta ka ndi mbue ndi, Naomi pongʉe ná fø lo ndi rr ná saa na nari djo! Ruta rangʉe Naomi ulu ndiro ndi kó le tsotso d’e. Ruta ma dzzngʉe dzz le ma na, le pɨngʉe Naomi iso, ndirigoti le ma njingʉe safari Naomi ma na ddo bí kana. Fø lo krʉ kana, Naomi pongʉeri: “Yova liri ma ngʉ nga thó thí ritsi ro.” Nì mai Ruta ma ngʉe ddinga Naomi ma na ro, Naomi pongʉe ná lo ridho nari kʉ, le nzá njangʉe Ruta nji ná lo ro mana na ri. Fø lo ka ndi lieri Ruta mbu ndi che! Ro le mangʉe Naomi kuso dhé. (Rut. 1:3-18) Njʉ maddi, kpakpalo na kʉ ná le-ve ka ndi tilo d’idhé ko dhi ngana ngbà mai ko nji kpakpanga ko kó le tsotso ro. Ro nzɨ ko bbari ko nanga kani. Ko adi mahitaji na kʉ ná le-ve tsotso kó ko, ndirigoti ko adi rinzi Yova kó ko tsotso ndiro ko pɨ le iso d’e. (Mez. 17:17) Ya kwanza le-ve ka ndi gʉ ndi tsotso ko kó nari gʉ maddi. Ro, nì mai ri kʉ kʉ føro chi kʉ ná jidha ka ndi cho ko ronga ko kó le tsotso ngodhé. Gal. 6:2. w21.11 11 §17-19

Biblia tilo “takatifu” ndirigoti “takatifu le kʉ nari djo” ná føri na mana kʉ le tsetse ledhó nyí kana ndirigoti dini nǎ lo inga Mungu dzá lo kana. Fø lo na mana ka ndi é Mungu lai djo le tøni ndiro le njinjí ke dho nari maddi. Nja kʉ ná lo nǎ, ko ka ko é takatifu njati kodhó ngaddidha é tse ndi tse ro, njati ko di madha bbʉ Yova dho ngbà tso ke u ná chulu ndirigoti ko di rili ko kana kau é chøchø ke na nari chulu ró. Ko nanga adi keni dho ná lo kʉ, nì mai ko kʉ nzá kaka ná ndrŭ ndirigoti Yova kʉ takatifu kʉ ná ke ro, ke riji ngodhé ko kana kau ngʉ chøchø ndi na. Yova kʉ tse ndi tse ro ndirigoti safi ndi kʉ ro krʉ kʉ ná chu nǎ. Føri ko chu Yova dhó pi dhi kiti kuso chøchø adi dí ná bbaserafi le adi nzǐ ná malaiká pongʉe ná lo ró. Kpa kana nja kʉ ná kpa pongʉeri: “Mutakatifu, mutakatifu, mutakatifu kʉ bbasødda dhi Yova.” (Isa. 6:3) Bbʉbbʉ dhé, fø malaiká kana nga ka ndi é chøchø mutakatifu kʉ ná Mungu na nì, dhonalo kpa ma kʉ watakatifu ddi. w21.12 3 §4-5

Bí ina jadda kpa dho ri adi ngani ndima di longa vʉ bblo ngbaribbai ma ndima ka ndima njínji bblo ndima dhó maisha nǎ nari djo. Nja saa na walimu ma, nga kʉ Yova dza Dimu ná familia nǎ ndrŭ ma na ka ndima cho kpa ndiro kpa nji iniversite nja kpa ba bblo kʉ ná njí ndirigoti kpa ba mbø bbo d’e. Fø di ná darasa ka ndi dzɨ kpadhó saa bbo. Ro gø dhi ndrŭ ma, kutaniko nǎ kau ma na ka ndima li jadda kpa kpakpa nja kpa njinjí Yova dho ndima dhó maisha nǎ d’e. Addui ká ka ndi kó Yova ji ná jadda ke tsotso ndiro ndi vʉ longa bblo d’e? Ke ka ndi ba faida bbo njati ndi zø ndirigoti ndi ddi Waefeso 5:15-17 nǎ kʉ ná lo nanga ró. B’lo ke zø fø verse nari goti jadda ke ka ndi dhuri ndi tso: “Yova ji ná lo” ká kʉ addu? Ri ká kʉ ngbá longavʉdha i ka ndi tho ke nyǒ ri? Ri ká kʉ ngbá longavudha i ka ndi kó ma tsotso ma njinjí bblo madhó saa na ri? Anonga nari kʉ “i ri kʉ che kʉ ná ddo,” ndirigoti Shetani pinyo djó ná i dz’ tso si d’ød’ø ngarr nga goti. w22.01 27 §5

Yakobo ká ngʉngʉe Yesu una chi tøni ná ke ngbá saa na? B’lo Yesu ga nari goti, “ke dhongʉe ndi Yakobo dho, ndirigoti krʉ kʉ ná mitume dho.” (1 Ko. 15:7) Yesu ma njungʉe Yakobo na nari goti ke ngʉngʉe Yesu unakpa kana ddike. Roho takatifu singʉe mitume djo Yerusalemu na ddikpa etaje djó kʉ ná chumba na ná saa na, ke ngʉe nì. (Mdo. 1:13, 14) Luti Yakobo ngʉe hwè na, ke ngʉ njínji Lo dho chutso ddá ná Baraza nǎ kpa kana karne ya kwanza nǎ nari dho. (Mdo. 15:6, 13-22; Gal. 2:9) Ndirigoti cho 62 na Y.G.G., roho takatifu chulu ke ndingʉe ddikpa barua ché na le d’ri ná Wakristo dho. Fø barua kʉ mana na njʉ maddi ko dho, njati rie ko kʉ ngab’odha na ko si di ra nǎ ma, inga dz’ djó ma ró. (Yak. 1:1) Karne ya kwanza nǎ ngʉe ná ke Josephus dhó historia ridho nari bbai, Yakobo le hwingʉe Muyaudi kʉ ná jadda Bbo kuhani Anania pongʉe ná lo dho. Yakobo tøngʉeni chi Yova dho kpø ndi dhedhe ná ngadjo. w22.01 8 §3; 9 §5

Kodhó njʉnga dhi andiko nǎ ro ko ba ná ddikpa somo kʉ, ri nzá ngani ko nziri Yova b’o ko ronga kpakpalo na ka ndi tsú kodhó udha ná lo ró ri. Yesu tøngʉeni chi nari bbai, kodho maddi ringani ko tøni chi kodhó udha djo njati rie hwi ma le ko hwi kodhó udha djotsina ri ró. (Mt. 16:24, 25) Nì mai ri kʉ fø ro, ko uri nari kʉ, Mungu nzá ka ndi bbari mbudha si ko djo nzá tso ko ka ko ve ná ngatsi ri. (1 Ko. 10:13) Ko ka ko ba ná nja kʉ ná somo kʉ, ndrŭ ka ndima nzá ko maddi Yesu ndrŭ nzangʉe nari bbai. (1 Pe. 2:19, 20) Ndrŭ adi kodhó lo gʉgʉ maddi, ro ri nga e ko nji chelo nari dho ri, ro føri ndrŭ adi nji dhonalo kʉ, ko nga kʉ dz’ dzá sehemu ri ndirigoti ko adi bbʉbbʉlo d’ra. (Yoh. 17:14; 1 Pe. 4:15, 16) Yesu chungʉe Yova bba ndi nzani dho ná lo ngbà. Ro njʉ maddi kpakpalo na bani ndima dhó udha djotsina ná ndrŭ ka ndima dhuri ndima tsó, Yova ká bbanga fø che kʉ ná lo dho addudho. (Hab. 1:3) Kodhi zølo ndirigoti ngatsovedha dhi Mungu churi nari kʉ ndidzá njí dhi fø ndrŭ nzá kosa udha ro ri, ro kpadhó lo jiri ndi li kpa kpakpa.​—2 Ko. 1:3, 4. w21.04 11 §9-10

Yova ka ndi u ko bbʉ ndi dho ná madha njati ko nji ná lo gbani ngbà ke ji ná lo na ró, ndirigoti njati ko bbʉ ri ko nǎ ji na ndirigoti heshima na ró. Ko churi nari kʉ madha le ka le bbʉ Yova dho dhé ndirigoti ke jiri ko bbʉ ndi dho ná madha é ngbà ndi thonga ro. Yova dho ko ka ko bbʉ madha ná ddikpa chu kʉ nga ko nzǐ ke tsó nari. Biblia adi ko nji ná sala ddi tabenakulo nǎ ndirigoti hekalu nǎ le ngʉ adi bbʉ ná bblo le thɨ ná uvumba na. Fø uvumba ngʉ adi ngø bblo nari ngʉ adi hwè bbʉ Mungu dho. Føri bbai, ko thí nǎ ro si ná sala adi “hwè” bbʉ kedho njati rie dhʉdhʉ kʉ ná lo ma ko ti ri nǎ ri ró. (Mez. 15:8; Kum. 33:10) Ringani ko uri u nari kʉ, Yova thí adi hwè ba ko jidha dhǒ ndirigoti mbai ko po ndi dho na ri dho. Ke jirie ri ko po ko nanga d’o ná lo ma, kodhó ngab’odha ma, ko thí ji ná lo ma na krʉ ndi dho. Ri kʉ bblo Yova tsó ni nganzi nari njí, ni ddinga bblo ni si po ná lo djo. Njati ni njiri føro, ni si bblo ngø ná “uvumba” bbʉ nidzá ra nǎ Baba dho. w22.03 20 §2; 21 §7

Armagedoni dhi saa na, ie ma ka si Yova dhó zølo ba inga nzɨ ma ná føri nga sie kodhó lo ri. (Mt. 25:34, 41, 46) Fø saa djo, ká ko si ko thí li Yova dhó lod’idha djo inga ko si ke dho ko njínji nari tso bbabba ke vʉ nanga ná lo djo? Bbʉbbʉ dhé, ringani ko li ko thí Yova djo njʉ, føri si ko tsotso ko ko li ko thí ke djo gosi ná saa na. Addinga ngbaribbai ma ko sie hwè na ø dz’ djó nari djo. Kali dhi dini ma, gbʉ dhi turusa ma, bbo ndrŭ thí nza ná guvernema ma, che ledhó afya kʉ nari ma, ngó le ngʉ nari ma, ji ko ji ná ndrŭ cheni nari ma na ki ro nga sie vi ri. Ndirigoti Shetani ma, ndidhó gó kpari ma na le si sʉ cho 1 000 dho. Kpa tsangʉe nari nǎ ro sirie ná lo krʉ ki ro nga sie ri. (Ufu. 20:2, 3) Ko si mbai po bbo ko lingʉe ko thí Yova chutso ddá nari djo nari dho! w22.02 6-7 §16-17

Yesu ngʉ adi ngbaribbai ma ndi ka ndi njí ngoi nari ne ndirigoti ke ngʉ adi nja ndrŭ ma li kpakpa ddi ndiro kpa si ndima kana kʉ ná lo d’e. Ke ddingʉeri kpa dho nari kʉ, ringani kpa njí ngoi ndima kana ndima djoi na, ndiro Yova u kpadhó bbʉdha tso d’e. (Mt. 5:23, 24) Ndirigoti bí ina, ke kongʉe ndi unakpa tsotso ndiro kpa si bbobbonga djó kpa gʉni ndima kana nari djolu d’e. (Lu. 9:46-48; 22:24-27) Ndiro ko é ngoi nji ná ndrŭ d’e, ri nzá ngani ko nyi lo ka ndi bbʉ ko kana ná lo tso dhé ri. Ro ringani ko njí ngoi ndirigoti ko li ko djoi ma, ko vei ma na kpakpa ndiro kpa si nzɨ ndima rrni ndima kana nari d’e. (Flp. 4:2, 3; Yak. 3:17, 18) Ko ka ko dhuri ko tsó: ‘Ma ka adi ma tso jʉ ngbá lo ró ndiro ma njí ngoi ko kana nja ndrŭ na d’e? Ddikpa le-djo inga ddikpa le-ve tani ta ma dho ró, ká ma adi thø li fø le dho ma thí na theinga dho? Ma ká adi ri b’o d’i ndrŭ si ngoi ngʉ ko kana, inga ma ká adi rimbu ma nji ngoi ko kana thei nì, rie ndidhi ke ma taeni ma dho ri ró?’ w22.03 10 §10-11

Biblia pongʉeri drrdrr nari kʉ, Mungu dzá ndrŭ si “ndima bbʉ ndima nanga jini ro” Yova dzá njí dho, Yesu dhó chutso ddadha tsena. (Zb. 110:3) Fø unabi njini nji njʉ. Krʉ kʉ ná cho ró Yova dho njínji kpakpanga na ná ndrŭ saa bbʉ mamilioni djolu lod’radha dhi njí kana. Kpa dho nzɨ le mbø bbʉ fø njínjidha dho ri, ro kpa rinji ndima nǎ ji na. Kpa ndima lai Wakristo tsotso kó kimwili nǎ ndirigoti kiroho nǎ. Wazee ma, watumishi wa huduma ma na adi saa ba bbo, ndiro ndima tayarisha njudha ndirigoti ndima rá ndima lai Wakristo li kpakpa d’e. Yova dzá ndrŭ ká addu adi cho ndiro ndi ma njí fø njí d’e? Ri kʉ kpa ji Yova ma, ndima lai ndrŭ ma na ji nari. (Mt. 22:37-39) Yesu bba bblo kʉ ná loroji ko dho nja ndrŭ dhó mahitaji ndi ngʉ li anziro nari na. Ko jiri ko dyø kedhó loroji. (Ro. 15:1-3) Fø rinji ná ndrŭ si ndima kobe ba. w22.02 20 §1-2

Izraeli bbá bí kʉ ná ndrŭ ngʉ adi nzagʉ njínji ndirigoti mbø dhi njínji. Kpadho ringʉ adi ngani le bbʉ mbø njí tso dyani nari goti. Njati le bbʉ mbø nzá njí dhi ke dho ngasdjo ró, ke nzɨ ngʉ adi mbø ro ba ndiri na ndi ngu ndibbá familia fø dyí ri. Yova d’rangʉeri: “Ke kʉ mahitaji na ndirigoti kedhó maisha dyʉ ndi ke kobe ró.” (Kum. 24:14, 15; Mt. 20:8) I ddoro bí kʉ ná njí dhi ndrŭ dho nzɨ le adi mbø bbʉ krʉ ddo ró ri, ro kpa dho le adi ri bbʉ bi ddi kana ddikpa ina inga aro ina. Nì mai ri kʉ føro, Mambo ya Walawi 19:13 nǎ nzɨ thika leni ná yadha ka ndi njinjí njʉ maddi. Nja kʉ ná patro nga e chi ri, føri dho kpa nzɨ adi mbø bbʉ ndima dhó njí dhi kpa dho riengani le bbʉri ná ngatsi ri. Kpa churi nari kʉ ndima dhó njí dhi kpa ka ndima njí ná d’i lo ro nga kʉ ri ndirigoti kpa ka ndima njinjí ngbà dhé njati ndima bbʉ mbø sese ma kpa dho ró. Nja chu nǎ, le ka le pori nari kʉ fø di ná patro adi njí dhi ke dhó ‘mbø tso chocho.’ Njí dho li ndrŭ ná Mukristo dho ringani ndi nji chi kʉ ná lo ndidhó njí dhi ndrŭ dho. w21.12 10 §9-10

Yesu le nza nari goti, ke dda dyu hwingʉe bbo. Kedhó lo ungʉeri ke jø dda. Ngbaribbai ma le le mbu nari le d’ra ná føri ro nzá Yesu njangʉe che ri, føri dho kodho maddi ringani ko di ngbaribbai ma ko ko mbu nari d’ra nja ndrŭ dho. Bí ina ko nzɨ adi kodhó loji ná lo d’ra nja ndrŭ dho ri. Ro njati ko jiri ndrŭ kó ko tsotso ró, akod’ra kodhó lo kpa dho. Loroji na, njati ko é ngó ma inga ko é tsú ma ko tsu ro ró, ko ka ko pori ddikpa kau mbá ko goti soko na ma inga ddawa djo ma. Njati ko thí é njedha na ró, ko ka ko nziri muzee inga dhidhi kiroho nǎ ná kau d’ra “bblo kʉ ná lo” ko dho inga kpa li ko kpakpa. (Mez. 12:25) Akononga nari kʉ, ko djoi ma, ko vei ma na jirie ko ji, ndirigoti kpa adi riji ndima kó ko tsotso “kpakpalo dhi saa na.” (Mez. 17:17) Ro kpa nzá ka ndima chu ko ddi ná lo ri. Kpa nzá ka ndima chu kodhó loji ná lo ri njati ko d’rari kpa dho nzá ró. w21.04 11-12 §11-12

Ko kana bí kʉ ná ndrŭ dho rie kpakpa ndima dhó hali thika øni ná saa na. Nja saa na, krʉ saa ró adi njínji Yova dho ná kpa dhó njí thika ka ndi øni ø. Nja kpa bba ji ndima ji ná njí ndima ngʉ ngó ná lo dho. Kodhó lo thika ro øni fø ná saa na, ko thí adi bʉni bʉ ná føri kʉ ngbà ka ndi ba nga ná lo. Ri ka ndi é sʉsʉ ko hwini kodhó lo thika øni nari na, njati ko di lo nja Yova adi lo nja nari bbai ró. Yova bbo pli kʉ ná njínji njʉ ndirigoti ko ba nzá tso ka ndi koe ko djo ná pendeleo, føri kʉ ko njínji ke na ddinga nari. (1 Ko. 3:9) Yova kʉ na ko lai djo ná jidha thika ro nzá ka ndi øni ri. Njati Yova dhó Tengenezo nǎ lo thika ro øni nari lø ko ronga ró, nzɨ ko vi kodhó saa bbo fø lo thika ká øni addudho ma nari ko dhu nari na. “B’lo dangʉe ná saa” na ko ngʉ nji ná lo djo ko ngaddi nari rɨngana, akonziri Yova kó ko tsotso ndiro ko nja lo thika øni nari nǎ ro ko ka ko ba ná bblonga d’e. (Muh. 7:10) Adi bblo kʉ ná nganjadha na. Ko njiri fø ró, ko ka ko é hwè na, ndirigoti chi ko tøni ro njati kodhó hali thika øni ø ma ró. w22.03 17 §11-12

Yova ká adi chi kʉ ná jidha dho ie ma dho? Biblia ripo, ko ka ko ji bí kʉ ná ritsi, loroji na “nzà bbɨdha,” “divai ma, ché ma,” “nizamu ma,” “lochudha ma,” “nyodyu” ma na. (2 Ny. 26:10; Mez. 12:1; 21:17; 29:3) Chi kʉ ná jidha ro nzá le ka le dhǒ ritsi dho ri, inga nga nǎ shinga kʉ ná ritsi dho ri, ro ri le ka le dhǒ ndrŭ dho dhé. Ro Yova nzɨ adi chi kʉ ná jidha dhǒ krʉ kʉ ná ndrŭ dho ri. Ke adi ridho nì ma na ndima kana nga kʉ chøchø ná ndrŭ dho. Kodhi Mungu kʉ chi ndidzá kau dho. Ke pɨ bblo kʉ ná lo kpa dho ndirigoti ke nzá ka ndi bbá kpa ro ri. Yova adi jidha dhǒ ndrŭ krʉ dho. Yesu pongʉeri Nikodemu dho: “Yova jingʉe dz’ [ndrŭ] bbo nari dho, ke bbʉngʉe ndidzá sidjó ddikpa dhé kʉ ná Ngba, ndiro ngbà u ke ná ndrŭ nzɨ ba sadha, ro kpa ba choro nŭnŭ di ná shinga.”​—Yoh. 3:1, 16; Mt. 5:44, 45. w21.11 2 §3; 3 §6-7

Maisha kʉ kpakpa i dz’ djó, njaro gosi ná saa na ko si tso ve ná lo si dada i ddo ró kʉ nari djolu. (Mt. 24:21) Ko i dz’ djó kpakpalo tso si d’ø ná ddo b’o ndirigoti ko si fø kpakpalo nga vivi, ri ki ro nga sie ri! (Isa. 65:16, 17) Føri dho, kodho ringani ko liri kodhó ngatsovedha é kpakpa. Ká addudho? Dhonalo Yesu pongʉeri ɨ: “Nidhi ngatsovedha chulu ni si nidhi shinga gøgø.” (Lu. 21:19) Ko di ngaddi ngbaribbai ma nja ndrŭ kpakpalo tso ve nari djo ró, ko ka ko ve kpakpalo tso ngbà. Ngatsovedha kana kʉ bblo nari ká kʉ ie dhó loroji? Ri kʉ Mungu. Fø jibu ká ke ni nanga ke? Njati ni ddinga bbo fø lo djo ró, ni ka ni famu ri ngbà. I dz’ kʉ Shetani dhó bbonga tsena, ndirigoti ri djó kpakpalo kʉ bbo. Yova kʉ kpakpanga na ndi si dz’ djó kpakpalo d’e, ro ke si rinji gosi ná saa na. (Ro. 9:22) Ro kodhi Mungu ra anzi dhé ngatso ndi ve nari na kpø ndi si i dz’ sa ná ngadjo. w21.07 8 §2-4