Ino Ngani Utokweendelesha Cishi?

BAIBO ILAAMBA AYI

“Boonse batokweendeleshekwa a Mubiibi.”​—1 Joni 5:19, The Bible in Lenje.

“Mwanaakwe Lesa wakeshita mukunyonyoola sheeshi sheenka shicita Mubiibi.”​—1 Joni 3:8, The Bible in Lenje.

MBWEENGA KWIIYA MAKANI AYA KWAMUCAFWA

Inga mwanyumfwishisha cilengesha ayi mucishi mube mapensho.​—Ciyubululo 12:12.

Inga camupa kushoma ayi shintu shilaakuba kabotu mucishi.​—1 Joni 2:17.

SA INGA TWASHOMA BAIBO NSHOYAAMBA?

Ee, ceebo ca sheebo ishi shotatwe:

• Bweendeleshi bwakwe Satana bulaakunyonyoolwa. Yehova alaakunyonyoola bweendeleshi bwakwe Satana. Lesa wakashomesha ayi ‘alaakunyonyoola mubiibi’ akubamba kabotu shintu shoonse Satana nshaakanyonyoola.​—Bene Ebulu 2:14.

• Lesa wakasala Yesu Klistu kwaamba ayi eendeleshe cishi. Yesu alipusene abuumbi amweendeleshi utokweendelesha cishi pacecino ciindi, uyo ucite lunkutwe alimwi ulisuni. Kwaamba pa bweendeleshi bwakwe Yesu, Lesa wakashomesha ayi: ‘Abo balefukite abakandu alaakubanyumfwila nkumbu . . . Alaakubapulusha kuswa ku bantu babalyatilila akubaabo bakali.’​—Kulumbaisha 72:13, 14.

• Lesa taabeciiwo. Baibo ilaamba ayi: “Lesa inga taabeciiwo.” (Bene Ebulu 6:18) Lesa na washomesha kucita cintu cimwi, cilibo anga wacicita kale! (Isaya 55:10, 11) ‘Mweendeleshi wa mucishi capanshi cino ulaakukomwa.’​—Joni 12:31.