Ino Bwaami Bwakwe Lesa Nciinshi?

BAIBO ILAAMBA AYI

“Lesa wakwiculu ulaakuleta bwaami ubo bweshi bukabule kumana.”​—Danyelo 2:44, The Bible in Lenje.

“Twapekwa mwaana musankwa, alimwi bweendeleshi boonse bulaakuba mumaansaakwe.”​—Isaya 9:6.

MBWEENGA KWIIYA MAKANI AYA KWAMUCAFWA

• Nimfulumeende iluleme yeenga yamucafwa palwaanu.​—Isaya 48:17, 18.

• Mucishi cipya, bantu balaakuba abuumi bubotu alimwi balaakunoosangalete.​—Ciyubululo 21:3, 4.

SA INGA TWASHOMA BAIBO NSHOYAAMBA?

Ee, ceebo ca sheebo ishi shobilo:

• Yesu wakatondesha Bwaami bwakwe Lesa nsheshi bukacite. Yesu wakaiisha bashikwiiya bakwe kupailila Bwaami bwakwe Lesa ayi bwise alimwi akuyanda kwakwe Lesa ayi kucitwe pacishi. (Mateyo 6:9, 10) Yesu wakatondesha mupailo uyu mbweshi ukakumbulwe.

  Ndyaakalinga pacishi, Yesu wakasanina bantu, wakashilika balwashi akubusha bafu! (Mateyo 15:29-38; Joni 11:38-44) Mukwiinga ngo Mweendeleshi wa Bwaami bwakwe Lesa, Yesu wakatondesha Bwaami ubu nceshi bukacitile balelwa.​—Ciyubululo 11:15.

• Shintu shitoocitika mucishi shitotondesha ayi Bwaami bwakwe Lesa buli pafwiifwi kusa. Yesu wakaambila limwi ayi Bwaami bwakwe Lesa kabutana kuleta luumuno pacishi, mucishi mulaakuba nkondo, nsala, alimwi ashitentanshi.​—Mateyo 24:3, 7.

  Shintu ishi tulashibona pacecino ciindi. Aboobo inga twashoma kwaamba ayi Bwaami bwakwe Lesa bulaakukushaawo mapensho oonse conoono.