Sa Ncancinencine Bafu Balaakubushikwa?

BAIBO ILAAMBA AYI

“Balaakubuka kuswa kubafu.”​—Milimo ya Batumwi 24:15, The Bible in Lenje.

MBWEENGA KWIIYA MAKANI AYA KWAMUCAFWA

Inga mwayuminishikwa na shicibusanabi shikamukowa wafwa.​—2 Bene Kolinto 1:3, 4.

Inga mwaanguluka kukuloonda lufu.​—Bene Ebulu 2:15.

Inga mwaba akulangila kwancinencine kwaamba ayi mulaakubonana alimwi abeshikamukowa na beshicibusa banu bakafwa.​—Joni 5:28, 29.

SA INGA TWASHOMA BAIBO NSHOYAAMBA?

Ee, ceebo ca sheebo shotatwe:

• Lesa ngowakalenga shintu shoonse shicite buumi. Baibo ilaamba ayi Yehova ‘nkantupu kapa buumi.’ (Kulumbaisha 36:9; Milimo ya Batumwi 17:24, 25) Lesa wakapa buumi ku shilengwa shoonse shicite buumi inga wacikonsha kubusha muntu wakafwa.

• Kale kale Lesa wakabushaawo bantu bakalinga kufwite. Baibo ilaamba pa bantu bali 8 bakabushikwa. Bantu abo bakalinga kwiilikaawo banike, banene, basankwa a banakashi. Bamwi bakafwa kwaciindi ciniinibo, ono umwi wakalinga mucuumbwe kwanshiku shone!​—Joni 11:39-44.

• Lesa alisunishishi kubusha bafu alimwi. Yehova alipatite lufu abuumbi; alalubona ayi ngu mulwani. (1 Bene Kolinto 15:26) Alisunishishi kukoma mulwani uyu, ndyeshi akakusheewo lufu kwiinda mukubusha bafu. Alisunishishi kubusha baabo mbwaibaluka kwaamba ayi bakekale pacishi alimwi.​—Jobo 14:14, 15.