Sa Mapensho Alaakumana?

BAIBO ILAAMBA AYI

“Lesa . . .  ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa.”​—Ciyubululo 21:3, 4, The Bible in Lenje.

MBWEENGA KWIIYA MAKANI AYA KWAMUCAFWA

Inga mwashoma cakutatoonsha kwaamba ayi Lesa teshi ngoolengesha ayi tunoopenga.​—Jemusi 1:13.

Inga mwasangalala kushiba ayi Lesa alatunyumfwila nkumbu ndyetutoopenga.​—Sekaliya 2:8.

Inga mwalangila ayi mapensho oonse alaakumana.​—Kulumbaisha 37:9-11.

SA INGA TWASHOMA BAIBO NSHOYAAMBA?

Ee, ceebo ca sheebo ishi shobilo:

• Lesa alipatite kupenga akulyatililana. Amuyeeye Yehova Lesa mbwaakalinyumfwa bantu bakwe ndyebakalinga kupenshekwa abuumbi. Baibo ilaamba ayi Lesa wakalinga kulinyumfwa cibiibi ceebo “bakalinga kutongela mumaansa abaabo bakalinga kubapensha akubalyatilila.”​—Boomboloshi 2:18, The Bible in Lenje.

  Lesa alipatite baabo bapensha bamwi. Nceceeco Baibo ncoyaambila ayi “maansa atila bulowa bwa bantu batacite mulandu” alamufundoosha ku moyo.​—Tushimpi 6:16, 17.

• Lesa alatubikila maano soonse. Ncakwiila muntu womwi awomwi alishi “lipensho lyakwe acimucisa” sombi Yehova alakwe alishi!​—2 Makani 6:29, 30, New World Translation.

  Conoonobo, Yehova kwiinda mu Bwaami bwakwe alaakukushawo mapensho oonse eendaamo muntu womwi awomwi. (Mateyo 6:9, 10) Pacecino ciindi, Yehova alacafwa baabo basuni kumushiba camoyo woonse.​—Milimo ya Batumwi 17:27; 2 Bene Kolinto 1:3, 4.