Zabbuli
71 Ai Yakuwa nzirukidde gy’oli.
Ka nneme kuswala.+
2 Nnyamba era ndokola kubanga oli mutuukirivu.
3 Beera gye ndi ekigo eky’oku lwazi
Mwe nnyinza okuyingira bulijjo.
Lagira ndokolebwe,
Kubanga ggwe lwazi lwange era ekigo kyange.+
4 Ai Katonda wange, nnunula mu mukono gw’omubi,+
Nnunula mu mukono gw’oyo ambonyaabonya.
5 Kubanga ggwe ssuubi lyange, Ai Yakuwa Mukama Afuga Byonna;
Nneesiga ggwe okuviira ddala mu buvubuka bwange.+
6 Ggwe gwe nneesigamyeko okuva lwe nnazaalibwa;
Ggwe wanzigya mu lubuto lwa mmange.+
Nkutendereza buli kiseera.
7 Eri abantu bangi nfuuse ng’ekyamagero,
Naye ggwe kiddukiro kyange.
8 Akamwa kange kajja kwogera+
Ku ttendo lyo n’ekitiibwa kyo okuzibya obudde.
10 Abalabe bange banjogerako bubi,
Era abo abaagala okunzita beekobaana,+
11 Nga bagamba nti: “Katonda amwabulidde.
Mumugobe mumukwate, kubanga tewali ayinza kumutaasa.”+
12 Ai Katonda, tombeera wala.
Ai Katonda wange, yanguwa onnyambe.+
13 Abo abampalana
Ka bakwatibwe ensonyi era bazikirire.+
Abo abaagala ngwe mu kabi
Ka baswale era bafeebezebwe.+
14 Naye nze nja kweyongera okukulindirira;
Nja kwongera okukutendereza.
15 Akamwa kange kajja kwogera ku butuukirivu bwo,+
Kajja kwogera ku bikolwa byo eby’obulokozi okuzibya obudde,
16 Nja kujja njogere ku bikolwa byo eby’ekitalo,
Ai Yakuwa Mukama Afuga Byonna;
Nja kwogera ku butuukirivu bwo, obubwo bwokka.
17 Ai Katonda, wanjigiriza okuva mu buvubuka bwange,+
N’okutuusa kati nkyalangirira ebikolwa byo eby’ekitalo.+
18 Ai Katonda, ne mu kiseera nga nkaddiye era nga mmeze envi, tonjabulira,+
Nsobole okubuulira omulembe oguliddawo ebikwata ku buyinza bwo,*
N’abo bonna abaliddawo mbabuulire amaanyi go.+
19 Ai Katonda, obutuukirivu bwo butuuka waggulu nnyo;+
Okoze ebintu eby’ekitalo;
Ai Katonda, ani alinga ggwe?+
20 Wadde ng’ondeetedde okulaba ennaku nnyingi n’obuyinike obw’amaanyi,+
Nzizaamu amaanyi;
Nzigya mu buziba bw’ensi.+
21 Ekitiibwa kye nnina kyongereko,
Onneetooloole era ombudeebude.
22 Olwo nnaakutendereza nga nkuba ekivuga eky’enkoba
Olw’obwesigwa bwo, Ai Katonda wange.+
Nja kukuyimbira ennyimba ezikutendereza nga bwe nkuba entongooli,
Ai Ggwe Omutukuvu wa Isirayiri.
23 Emimwa gyange gijja kwogerera waggulu+ n’essanyu nga nnyimba ennyimba ezikutendereza,