Zabbuli
Eri akubiriza eby’okuyimba. Ya ku “Tozikiriza.” Zabbuli ya Dawudi. Mikutamu.* Bwe yali mu mpuku+ ng’adduse Sawulo.
57 Nkwatirwa ekisa, Ai Katonda, nkwatirwa ekisa,
Kubanga nzirukira gy’oli;+
Nzirukira mu kisiikirize ky’ebiwaawaatiro byo okutuusa ng’akabi kavuddewo.+
2 Nkoowoola Katonda Asingayo Okuba Waggulu,
Nkoowoola Katonda ow’amazima anzigya mu mitawaana.
3 Ajja kuweereza obuyambi okuva mu ggulu, andokole.+
Ajja kulemesa oyo annumba. (Seera)
Katonda ajja kulaga okwagala kwe okutajjulukuka awamu n’obwesigwa bwe.+
4 Nneetooloddwa empologoma;+
Ngalamidde mu bantu abaagala okundya,
Abalina amannyo agalinga amafumu n’obusaale,
Era abalina olulimi olulinga ekitala ekyogi.+
5 Ogulumizibwe okusinga eggulu, Ai Katonda;
Ekitiibwa kyo ka kibeere ku nsi yonna.+
Baasima ekinnya mu kkubo lyange;
Naye bo bennyini baakigwamu.+ (Seera)
7 Omutima gwange munywevu, Ai Katonda,+
Omutima gwange munywevu.
Nja kuyimba ennyimba ezikutendereza.
8 Zuukuka ggwe ekitiibwa kyange.
Zuukuka ggwe ekivuga eky’enkoba; naawe entongooli.
Nja kuzuukusa emmambya.+
10 Kubanga okwagala kwo okutajjulukuka kungi nnyo, kuli waggulu nnyo ng’eggulu,+
N’obwesigwa bwo butuukira ddala ku bire.
11 Ogulumizibwe okusinga eggulu, Ai Katonda;
Ekitiibwa kyo ka kibeere ku nsi yonna.+