Ogw’Okusoma Mu Kibiina

EKIGENDERERWA KY’EBITUNDU EBY’OKUSOMA

EBITUNDU EBY’OKUSOMA 1, 2 OLUPAPULA 3-12

Ebitundu bino byogera ku bintu kkumi ebikulu ennyo ebinaatera okubaawo bye tusaanidde okukuumira mu birowoozo byaffe. Bitaano ku bintu ebyo bikwata ku kuzikirizibwa kw’ensi ya Sitaani ate ebitaano ebirala bikwata ku nsi empya egenda okujja.

EKITUNDU EKY’OKUSOMA 3 OLUPAPULA 18-22

Ffenna twesunga enkomerero y’enteekateeka eno ey’ebintu n’Olusuku lwa Katonda. Ka kibe nti omaze ebbanga ttono oba ddene ng’olindirira ebintu ebyo, lwaki osaanidde okuba omugumiikiriza? Ekitundu kino kijja kutuyamba okuba abagumiikiriza.

EKITUNDU EKY’OKUSOMA 4 OLUPAPULA 23-27

Abantu ba Katonda bonna beesunga okulaba ng’enteekateeka eno ey’ebintu ezikirizibwa. Ekitundu kino kijja kutuyamba okulaba emiganyulo egiri mu butamanya lunaku lwennyini oba ssaawa enkomerero lw’enejja.

EKITUNDU EKY’OKUSOMA 5 OLUPAPULA 28-32

Okuva edda n’edda abantu ba Katonda babaddenga n’enkuŋŋaana ennene. Ekitundu kino kyogera ku zimu ku nkuŋŋaana ezaaliwo mu biseera by’edda n’ezo ezibaddewo mu kiseera kyaffe, era kiraga emiganyulo gye tufuna bwe tuzibaamu.