Okutuukiriza Obulungi Obuweereza Bwaffe​—Okutuuka ku Mutima gw’Omuyizi nga Tukozesa Akatabo ‘Mwekuumire mu Kwagala kwa Katonda’

LWAKI KIKULU: Omuntu okusobola okusinza Katonda mu ngeri entuufu, alina okutegeera emitindo gya Katonda egy’obutuukirivu era n’agigoberera. (Is 2:3, 4) Akatabo ‘Kwagala kwa Katonda’ kayamba abayizi ba Bayibuli okutegeera engeri gye bayinza okukolera ku misingi gya Bayibuli. (Beb 5:14) Bwe tuba tubayigiriza, tusaanidde okufuba okutuuka ku mitima gyabwe kibaleetere okwagala okukolera ku ebyo bye bayiga.​—Bar 6:17.

ENGERI Y’OKUKIKOLAMU:

• Weeteeketeeke bulungi era olowooze ku muyizi wo. Lowooza ku bibuuzo by’onoomubuuza, kikusobozese okumanya ky’alowooza ku nsonga gye muliko.​—Nge 20:5; be 259

• Kozesa obusanduuko obuli mu katabo ako okuyamba omuyizi okulaba emiganyulo egiri mu kukolera ku misingi gya Bayibuli

• Yamba omuyizi okutegeera emisingi gy’ayinza okukozesa ng’asalawo ku nsonga ezitali zimu, naye tomusalirawo.​—Bag 6:5

• Fuba okumanya obanga omuyizi yeetaaga obuyambi okukolera ku misingi gya Bayibuli egimu. Bw’oba omukubiriza okukola enkyukakyuka, tomukaka wabula muleke yeesalirewo ng’asinziira ku kwagala kw’alina eri Yakuwa.​—Nge 27:11; Yok 14:31