Eggulu Eriggya n’Ensi Empya Bijja Kuleetera Abantu Essanyu Eritagambika

Ekisuubizo kya Katonda eky’okuzza ebintu obuggya ekiri mu Isaaya essuula 65 kikakafu nnyo, era Yakuwa akyogerako ng’ekyamala edda okutuukirira.

Yakuwa atonda eggulu eriggya n’ensi empya, era ebintu eby’edda tebirijjukirwa

65:17

Eggulu eriggya kye ki?

• Ye gavumenti eneereeta obutuukirivu mu nsi

• Gavumenti eyo yassibwawo mu 1914, Kristo bwe yafuuka kabaka w’Obwakabaka bwa Katonda

Ensi empya kye ki?

• Be bantu okuva mu mawanga ag’enjawulo, ab’ennimi ez’enjawulo ne langi ez’enjawulo, abagondera gavumenti empya ey’omu ggulu

Mu ngeri ki ebintu ebyasooka gye bitalijjukirwa?

• Ebintu ebituleetera obulumi, ennaku, n’okubonaabona, biriba tebikyaliwo

• Abantu abagondera Katonda bajja kunyumirwa obulamu buli lunaku