ESSOMO 13

Okulaga Omuganyulo

Engero 3:21

MU BUFUNZE: Yamba abakuwuliriza okulaba engeri ebyo by’oyogerako gye biyinza okubaganyulamu era obalage engeri gye bayinza okubikolerako.

Lowooza ku banaakuwuliriza. Lowooza ku nsonga lwaki beetaaga okuwulira ebyo by’ogenda okubabuulira, era olowooze ku binaasinga okubaganyula.
Mu mboozi yo yonna, laga abakuwuliriza eky’okukola. Okuviira ddala ku ntandikwa, buli omu ku bakuwuliriza asaanidde okukiraba nti by’oyogerako bimukwatako. Bw’oba onnyonnyola ensonga enkulu, laga engeri gye bayinza okussa mu nkola ebyo by’obabuulira.

Bw’oba obalaga engeri gye bayinza okukolera ku misingi gya Bayibuli, yogera mu ngeri ey’ekisa era ey’okwagala. Mu kifo ky’okubaleetera okulumizibwa olw’ekyo kye bayinza okuba nga tebakola bulungi, nyweza okukkiriza kwabwe, ng’oli mukakafu nti bajja kukola ekituufu.