N’nga anamarumiwa okhami-a tana izo yoi avi?

Bibilya linoonga vya magulu menli aalombwana aukristau aizo va mpingoni: “oing’anela na anamarumiwa okhami-a.’’ (Afilipi 1:1) Wiliwili, mipingo iliyothene munokhala abali angasi anakhala andimuwa na anamarumiwa okhami-a. N’nga anamarumiwa okhami-a analaba basa lanni pingoni?

Anokhami-a gulu laandimuwa. Anamarumiwa okhami-a aazombwe na masawa mbaalombwana ali vauxamwali waphama na Yohova. Aliwa mbonyindeleya thitho tanoira vyongo moonechecha. Anamarumiwa okhami-a tanolaba mabasa o-iyana-iyana ofuneya, enao anaireya hora dhothene. Vyevyi vinokhami-a andimuwa ira takwakwaneli-edhenga izo iwa yofunji-a thitho takumbizenga mabila a Nlungu.

Tanolaba mabasa o-iyana-iyana mpingoni. Anamarumiwa okhami-a tanova-iwa mabasa o-iyana-iyana, ninga wachela atu enao tanafiya vamigumanoni. Thitho akhala vatokhala radiyo, sambaulela mabuku. Thitho lokota kobiri dha mpingo venango va-a Makristau afwiwa ikhukhuru yodhowa malaleela. Thitho aliwa tanokhami-a vabasa losakha-edha vyongo va Nyumba ya Umwene. Vanango andimuwa tanoavepha ira takhami-e atu aimbwi. Anamarumiwa okhami-a anakhala ofunechecha i-nda basa nlilothene linava-iwe aliwa, thitho vyevyi vinoiri-a ira othene mpingonimo taalemezenga.—1 Timoteo 3:13.

Aliwa ninga alombwana aukristau tanovelela ifwanafwani-o yaphama waatu enango. Anamarumiwa okhami-a tanosakhuliwa namwasa wa makhalelwiwa aukristau. Aliwa tanolimbi-a iroromelo yi-u taonga mwasa vamigumanoni. Thitho tathonyi-edhanga ifwanafwani-o yaphama va basa lolaleela, tanonikhami-a ira nikhale athindhi. Voi aliwa tanavwela gulu laandimuwa, vinonikhami-a ira othene nikhalenga aimwerumweru no vwelana. (Aefeso 4:16) Vavira hora, aliwa tanooda fwanelela khala andimuwa avapingoni.

• N’nga anamarumiwa okhami-a mbaatu oi a-vi?

• N’nga aliwa tanakhami-a avi ira mpingo uwendenga phama?