YOFUNJEDHA 02
Bibilya linoniva-a idedi-edho
Atu vailambo yothene yavathi anogumanana nyarwa. Namwasa wa vyevi aliwa anokaana tangaranga, vikumbanyedha no bulela. N’nga nyo mutoroma gumanana vyorucha ninga vyevi? Hora dhinango munokalecha osukwala vinjinji mwasa wa marenda, venango kweliwa mutu unamdhiveliwananyo. Hora dhinango munofiedhelecha vifukanga ira: N’nga vyongovi dambo n’nango vinodha chinja ira vidhakale pamadi? Nyo munodha dhiveliwa vinjinji na vyowakula vyokumela Bibilyani vyoonga nyarwa dhinogumanana i-yo malamboano.
1. Chiidedi-edho iivi inoniva-a Bibilya?
Bibilya linoonga mwasa uiiri-idhe ira ilambo yavathi vakale nyarwa dhinjinji. Thitho linoniwandela milanyu yapama vinjinji yoonga ira nyarwa dhothene dhinodha mala. Vyolanyedha vya Bibilyani vinooda “uva-ani idedi-edho thitho sogolo lapama.” (Muleri Jeremiya 29:11, 12.) Linonikami-a ira niode limbanana nyarwa dhinogumanana i-yo malamboano nokaana mathuulelo apama. Linonikami-a kala osangalala vachineneeva thitho dhowa nodhowa.
2. N’nga pyolanyedha viivi vya Bibilyani vyoonga sogolo li-u?
Bibilya linoonga ira sogolou kunodha kala “wukwa, vikumbayedha, ula thitho vyopa.” (Muleri Apokalipse 21:4.) Nyarwa dhedho dhinoiri-a atu malamboano—kalanga osukwala ninga ndhala, a-longomana, marenda thitho wukwa vinodha mala kavinodha kalao okoka. Bibilya linolanyedha ira atu anodha kala osangalala namwasa okaana ingumi yo-omala paradaizoni vailambo yavathi.
3. N’nga nyo munasikimizele a-vi ira vyothene vinoonga Bibilya vinodha ireya?
Atu anofunechecha ira vyongo vyapama vyangaireile, mbwenye katinokala osikimiza akala ira vinoireya venango kabe. Mbwenye vili Bibilyani pyo-iyana. Nyo munodha ona ira vinoonga Bibilya vinodha ireyadi akala ira “munoleri malemba dambo na dambo.” (Mayirelo 17:11) Funjedha Bibilya unodha ukami-ani sakula akala ira munororomela vinofuna dhaireya sogolo venango kabe.
FUNJEDHANI VINJINJI
Onani vyevyo vilanyedhile Bibilya sogolou. Thitho onani mwemo idedi-edho yokumela Bibilyani munokami-ela aliwa atu malamboano.
4. Bibilya linolanyedha ira ninodha kaana ingumi yo-omala yodhowa nodhowa thitho nyarwa kadhinodha kalao
Thandha o-arela utokaana vyolanyedha vinango vya Bibilyani. Mwa vyolanyedhavi cholanyedha ivi inoodhiveliwi-ani? N’nga mwasiwa ngwan’ni musakule yolanyedha yei?
Muleri maverso a Bibilyani enao tali vakwikwi na yolanyedha iliothene, mwamala tapanyani vyofuka vyo-arela:
N’nga munothuulela ira maverso enala anooda uva-ani idedi-edho? N’nga anodha kami-a mbo-i na mbo-i vabanjani vinyu venango fwinyu?
Kathuulelani kala mwilamboni mwemo:
KAVALI . . . |
ULIWETHENE UNODHA. . . . |
|---|---|
|
|
|
|
|
|
|
|
|
|
5. Vyolanyedha vya Bibilyani vinooda chinja inguminyu
Atu anjinji tavikumbanyedhanga thitho thakaleliwa mwasa wa nyarwa dhinogumanana aliwa vailambo yavathi. Enango tanoira iliyothene vofuna chinja ilamboi ira ikala pama. Onani mwemo yolanyedha ya Bibilyani yoi vyongo vinodha kala pama, munokami-edha aliwa atu. Muonele VIDIYO, mwamala tapanyani vyofuka vyo-arela.
Vidiyonimu pivyongo viivi vyo-olongomana vyevyo vyam’mwiri-a Rafika kalanga ovikumbanyedha?
A-longomana waoni liye kwaamadhi. Angalive ira vyongo vyo-olongomana kavyamadhi n’nga chini yamkami-a Rafika?
Idedi-edho vyoonga sogolo li-u inonikami-a limbanana nakala ovikumbanyedha venango dhilimbi-edha mali-a nyarwa dhi-u. Muleri Sanganikho 17:22 na Aroma 12:12, mwamala tapanyani vyofuka vyo-arela:
N’nga munoona ira idedi-edho yokumela Bibilyani inooda chinja inguminyu? Mwasiwa ngwan’ni?
ATU ENANGO ANOONGA IRA: “Vyolanyedha vya Bibilyani vyoonga sogolo li-u pyapama vinjinji vyofwanela kala vyaimbarimbari.”
Mwasiwa ngwan’ni munoona ira pyofuneya zindiyela imbarimbari yoonga vyevi?
MAKUNDO OGWANDELA
Bibilya linoniva-a idedi-edho. Thitho idhiwa ira linolanyedha sogolo laimwerumweru unonikami-a limbanana nyarwa dhinogumanana i-yo.
Vyofuka vyowelela
Mwasiwa ngwan’ni atu anofwanela kaana idedi-edho?
N’nga Bibilya linoongan’ni vyoonga sogolo?
N’nga idedi-edho ya Bibilyani inachinje a-vi inguminyu?
IDHIWANI VINJINJI
Idhiwani vinjinji vyoonga kopolo dha idedi-edho
“Chiyembekezo Chimathandizadi?” (Galamukani!, wa April 22, 2004)
Onani mwemo idedi-edho yasogolo munokami-edha aliwa atu ana marenda o-oila.
“Kodi Baibulo—Lingandithandize Kupirira Matenda?” (Mwasa wava jw.org)
Mwaonela vidiyo ya nyumbo, dhilimbi-edheni fwanafwani-a ira nyo vambo-i na banja linyu muli osangalala paradaizoni ninga munolanyedha Bibilya.
Muleri vya ingumi ya mutu osakasaka ufulu mwachinjele aliwa angafwaidhe idedi-edho ya Bibilyani yoonga vya sogolo.
“Panopa Ndilibenso Maganizo Ofuna Kusintha Zinthu M’dzikoli” (Nsanja ya Olonda, July 1, 2013)