N’nga Bibilya linaukami-eni a-vi?

Vinooneya ira i-yo othene ninokaechana vyofuka vya ingumi, nyarwa, wukwa na sogolo li-u. Thitho ninosamalelecha vyongo vya dambo na dambo ninga kaana kobiri nokaana banja losangalala. Atu anjinji atozindiela ira Bibilya linorumela vyofuka vyofuneya maningi vyoonga ingumi, thangani-avo velela malangi-o apama onikami-a kaana ingumi yosangalala. N’nga nyo munoona ira Bibilya linooda mkami-a mutu um’mwidhinyo?

1. N’nga pyofuka viivi vinowakula Bibilya?

Bibilya linowakula vyofuka vyofuneya maningi ninga vi: N’nga ingumi iromile a-vi? N’nga ifunelo yaingumi chini? Mwasiwa ngwan’ni atu anoona nyarwa? N’nga chini inoireya mutu akwa? Mwasiwa ngwan’ni utokala kondo dhinjinji angalive ira atu anofuna rendele? N’nga chini inofuna ireya vailambo yavathi? Fuka vyofuka ninga vyevi kai odaweya. Mamiliau aatu anjinji atozindiyela ira vyowakula vya Bibilyani pyovweya.

2. N’nga Bibilya linanikami-e a-vi kaana ingumi yapama dambo na dambo?

Bibilya linovelela malangi-o apama. Mofwanafwani-a, linokami-a mabanja kala osangalala mwaimbarimbari. Linoniwandela munaodele i-yo limbanana nyarwa nokala osangalala na basa lina i-yo. Bukhuli linoukami-ani idhiwa vinofunji-a Bibilya vamyasa dhedhi na myasa dhinango. Ee-no munodha rumelela ira “Malemba othene [venango nionge ira Bibilya lipumbula] . . . mboganyali-a.”—2 Timoteo 3:16.

FUNJEDHANI VINJINJI

Onani mwemo Bibilya mukami-edhele aliwa atu enango, na mwemo munasangalalele nyo voleri Bibilya na upama ovepa kami-iwa ira muode vwechecha vinoonga aliwa.

3. Bibilya linooda nisogolela

Bibilya lili ninga wala wa laterna. Linonikami-a sakula vyongo mwapama noona vinofuna dhaireya sogolo.

Muleri Salimo 119:105, mwamala mutapanye vyofuka vyo-arelavi:

• N’nga mulimbo lemba Masalimula athuulelan’ni va mwasa wa Bibilya?

• N’nga nyo munothuulelan’ni vyoonga Bibilya?

4. Bibilya linowakula vyofuka vi-u

VIDIYO: Dhowananive kaana idedi-edho! (1:42)

• Vidiyonimu pivyofuka viivi vyan’na purusorula?

• N’nga funjedha Bibilya wam’kami-ile a-vi?

Bibilya linonilimbi-a ira nifukenga vyofuka. Muleri Mateu 7:7, mwamala mutapanye yofuka yo-arelai:

• N’nga pyofuka viivi vinofuna nyo ira Bibilya luuwakuleni?

5. Munooda sangalala mwaleringa Bibilya

VIDIYO: Kuwerenga Baibulo (2:05)

• Vidiyonimu, mwasiwa ngwan’ni azombwe katadhiveliwana leri mabukhu?

• N’nga ee-ni mwasiwa ngwan’ni aliwa anodhiveliwana leri Bibilya?

Milanyu ya Bibilyani inonididili-a rima noniva-a idedi-edho. Muleri Aroma 15:4, mwamala mutapanye yofuka yo-arelai:

• N’nga munodhiveliwa uvwa milanyu ya Bibilyani yonididili-a rima na yoniva-a idedi-edho?

6. Atu enango anooda nikami-a vwechecha pama Bibilya

I-yavo leri Bibilya wavaokane, atu anjinji atozindiela ira tapanya naatu enango vinofunjedha aliwa vinoakami-a ira talivwechechenga pama. Muleri Mayirelo 8:26-31, mwamala mutapanye yofuka yo-arelai:

• N’nga ninaode a-vi vwechecha pama vinoonga Bibilya?—Muone maversu 30 na 31.

MAKUNDO OGWANDELA

Bibilya linovelela malangi-o a dambo na dambo, linowakula vyofuka vyofuneya vyonididili-a rima, noniva-a idedi-edho.

Vyofuka vyowelela

• N’nga mbamalangi-o a-vi anofwanyeya Bibilyani?

• N’nga pyofuka viivi vinango vinowakula Bibilya?

• N’nga pivyongo viivi vinodhiveliwana nyo funjedha Bibilyani?

IDHIWANI VINJINJI

Onani mwemo malangi-o a Bibilyani munokami-ela aliwa malamboano.

“Mfundo za M’Baibulo—Sizikalamba” (Nsanja ya Olonda, N.º 1 wa 2018)

Onani mwemo Bibilya mwamkami-idhe aliwa lombwana mwinango alimbanana mathuulelo odaweya romela angali mwana.

Pumwemo ingumi yanga ipya mwaromele aliwa (2:53)

Mu-indi-edhenga basa malangi-o a Bibilyani ira muode kaana banja losangalala.

“Mfundo 12 Zothandiza Kuti Banja Liziyenda Bwino” (Galamukani!, N.º 2 wa 2018)

Atu anjinji anoonga ira Nlungu ngunatonga ilambo yavathi. N’ga vyevyo pyaimbarimbari? Onani vinoonga Bibilya.

Mwasiwa ngwan’ni munofwanela funjedha Bibilya?—Vidiyo yothene (3:14)