Se na bomoi na ye moko

“ABOTAMAKI na mboka moko ya molili, mwana ya mwasi moko mosali na bilanga. Akólaki na mboka moko ya moke, epai asalaki na atelier ya mosali na mabaya kino na ntango akómaki na mibu 30. Na nsima, na boumeli ya mibu misato, asalaki mosala ya mosakoli na kotambolatambola.

“Akomaki mokanda ata moko te. Asalaki milulu ya mangomba te. Asalaki libota te mpe azalaki na ndako te. Akotaki na université te. Akendaki na engumba moko monene te. Asalaki mobembo ya koleka bakilometele 300 te kolongwa esika abotamaki. Asalaki eloko ata moko te oyo mbala mingi batalelaka ete ezali komonisa bonene ya moto. Akokanaki na moto mosusu te kasi bobele na ye moko.

“Azalaki bobele na mibu 33 wana bato batemelaki ye. Baninga na ye bakimaki. Apesamaki na maboko ya banguna na ye mpe asambisamaki na lolenge ya mabe. Babambaki ye na nsete likoló na nzeté na katikati ya miyibi mibale. Wana azalaki kobunda na liwa, bato oyo babomaki ye babetaki mbese mpo na kokabola bilamba na ye, biloko bobele moko oyo azalaki na yango na mabelé. Nsima ya liwa na ye, ezali bobele mpo na mawa ya moninga na ye moko nde atyamaki na nkunda.

“Bikeke zomi na libwa bisili koleka, mpe azali lelo oyo moto alekaki bato nyonso, ndakisa oyo bato nyonso basengeli kolanda. Mampinga nyonso ya minene, masuwa nyonso oyo mazalaki na mampinga ya makasi, baparlemá nyonso ya minene, mikonzi nyonso oyo bayangelaki, soki batyami esika moko basalaki te bopusi likoló na bomoi ya bato na molongo lokola moto oyo asalaki yango se na bomoi na ye moko.”a​—Makanisi ya moto moko likoló na bomoi ya Yesu Klisto.

[Maloba na nse ya lokasa]