ETENI 7

Yesu azalaki nani?

Yehova atindaki Yesu awa na mabele. 1 Yoane 4:9

Yesu na lobɔkɔ ya mobali ya Nzambe na likoló

Soki tolingi kosepelisa Yehova, tosengeli koyoka moto mosusu ya ntina mingi. Ntango molai liboso akela Adama, Yehova akelaki ekelamu moko ya elimo ya nguya kuna na likoló.

Maria ntango azali na zemi mpe ntango Yesu abotami

Na nsima, Yehova atindaki ye aya kobotama na Beteleme epai ya ngɔndɔ moko na nkombo Maria. Bapesaki mwana yango nkombo Yesu.—Yoane 6:38.

Yesu azali koteya basusu makambo etali Yehova

Ntango azalaki moto awa na mabele, Yesu amonisaki na ndenge ya kokoka bizaleli ya Nzambe. Azalaki na boboto, bolingo, mpe bato bazalaki kobanga kosolola na ye te. Kozanga kobanga, ateyaki basusu solo na ntina na Yehova.

Yesu asalaki makambo ya malamu, kasi bato bayinaki ye. 1 Petro 2:21-24

Yesu asekwisi elenge mwasi moko mpe abikisi mobali moko oyo azalaki na maladi

Yesu abikisaki mpe bato ya maladi mpe azongisaki bato mosusu oyo bakufaki na bomoi.

Bakonzi ya mangomba bayinaki Yesu mpo atɔndɔlaki mateya na bango ya lokuta mpe misala na bango ya mabe.

Bakonzi ya mangomba bandimisaki Baroma mpo bábɛta Yesu mpe báboma ye.