Likita ya nsuka ya mbula 4 Ɔkɔtɔ́bɛ 1997

LIKITA YA NSUKA YA MBULA ya basangani ya Watch Tower Bible and Tract Society of Pennsylvania likosalema na mokolo ya 4 Ɔkɔtɔ́bɛ 1997, na Ndako ya Mayangani ya Batatoli ya Yehova, na Boulevard Kennedy 2932, na engumba Jersey City, na etúká ya New Jersey. Likita moko ya ebandeli esengeli kosalema bobele na basangani ya la Société, na 9:15 ya ntɔ́ngɔ́, bongo likita ya nsuka ya mbula likolanda, na 10:00.

Basangani ya la Société oyo basili kosanzé adresi na bango ya pósita na boumeli ya mbula oyo eleki basengeli koyebisa yango uta sikawa na biro ya mokomeli mpo ete lokasa ya libyangi mpe bakálati ya kopesa makoki ya voti ekoka kokómela bango na sanza ya Yulí.

Bakálati yango mpe nkasa ya libyangi na likita ya nsuka ya mbula, oyo ekotindama epai ya basangani ya la Société, esengeli kozongisama na biro ya mokomeli ya la Société liboso ya 1 Augústo. Mosangani mokomoko asengeli kotondisa kálati na ye mpe kotinda yango nokinoki na koyebisáká sikisiki soki akoyangana na likita to akoyangana te. Makambo oyo akokoma masengeli kotikala bobele bongo, mpamba te makosalisa biso na koyeba liboso bato oyo bakoya na likita.

Ebongisami ete manáka mobimba, bakisa mpe likita moke ya ebandeli mpe balapólo oyo ekopesama, ekosuka na ngonga ya 13:00 na nsima ya nzánga to mwa moke na nsima. Likita likozala te na nsima ya nzánga. Na kotalela bisika oyo bibongisami, bobele moto oyo azali na lokasa ya libyangi nde akokɔ́ta. Bibongiseli bikozwama te mpo na kolanda likita ya nsuka ya mbula oyo na telefone.