Likita ya nsuka na mbula

ƆKƆTƆ́BƐ 1, 1994

LIKITA YA NSUKA NA MBULA ya basangani ya Watch Tower Bible and Tract Society of Pennsylvania, likosalema na Ɔkɔtɔ́bɛ 1, 1994, na Ndako ya Mayangani ya Batatoli ya Yehova, na Boulevard Kennedy 2932, Jersey City, na New Jersey. Likita moko ya ebandeli likoyanganisa bobele basangani ya la Société, likosalema na 9:30, likolandana na likita ya nsuka na mbula, na 10:00.

Tokozala na mposa ete basangani ya la Société baoyo basili kosanzé adresi na bango na boumeli ya mbula eleki, bákoka koyebisa yango uta sikawa na Biro ya mokomeli mpo ete lokasa ya libyangi mpe bakalati oyo ekokoka kokómela bango na boumeli ya sanza ya Yulí.

Libyangi mpe bakarte oyo ekotindama epai na basangani ya la Société esengeli kozongisama na Biro ya mokomeli ya la Sociéte mwa moke nsima ya Augústo 1. Mosangani moko na moko asengeli kotondisa karte na ye mpe kotinda yango kozanga koumela na koyebisáká sikisiki soko akoyangana na likita to akoyangana te. Makambo oyo akokoma masɛngeli kotikala bobele bongo, mpamba te makosalisa biso na koyeba liboso motuya ya basangani oyo bakoya na likita.

Ebongisami ete manáka mobimba, bakisa mpe likita moke ya ebandeli mpe lapólo oyo ekopesama nsima, ekosuka na 13:00 to mwa moke nsima. Likita oyo likozala te na nsima na nzangá. Na kotalela bisika oyo bibongisami, oyo akokɔ́ta bobele moto oyo azali na lokasa ya libyangi. Manáka ya likita ya nsuka na mbula oyo ekolandama na telefone te.