ຫ້ອງສະໝຸດອອນລາຍຂອງວັອດສ໌ທາວເວີ້

ເພງສັນລະເສີນ 15:1-5

ຄຳພີໄບເບິນສະບັບແປໂລກໃໝ່
- 15 ພະເຢໂຫວາເອີ້ຍ ໃຜຈະໄດ້ເປັນແຂກໃນເຕັ້ນຂອງພະອົງ?
  
  ໃຜຈະໄດ້ຢູ່ເທິງພູທີ່ບໍລິສຸດຂອງພະອົງ?+
  
  2 ກໍແມ່ນຄົນທີ່ໃຊ້ຊີວິດຢ່າງສັດຊື່+
  ເຮັດສິ່ງທີ່ຖືກຕ້ອງ+
  ແລະເວົ້າຄວາມຈິງຈາກໃຈ.+
  
  3 ລາວບໍ່ເວົ້າໃສ່ຮ້າຍຄົນອື່ນ+
  ລາວບໍ່ເຮັດສິ່ງທີ່ບໍ່ດີຕໍ່ເພື່ອນບ້ານ+
  ແລະລາວບໍ່ເຮັດໃຫ້ໝູ່ເສຍຊື່ສຽງ.*+
  
  4 ລາວບໍ່ເປັນໝູ່ກັບຄົນທີ່ເຮັດສິ່ງທີ່ເປັນຕາຊັງ+
  ແຕ່ລາວໃຫ້ກຽດຄົນທີ່ຢ້ານຢຳພະເຢໂຫວາ.
  
  ລາວບໍ່ເຮັດຜິດຄຳສັນຍາ*ເຖິງວ່າໂຕເອງຈະເສຍຜົນປະໂຫຍດ.+
  
  5 ລາວໃຫ້ຢືມເງິນໂດຍບໍ່ເອົາດອກເບ້ຍ+
  ແລະລາວບໍ່ຮັບສິນບົນເພື່ອໃສ່ຮ້າຍຄົນທີ່ບໍ່ມີຄວາມຜິດ.+
  
  ໃຜກໍຕາມທີ່ເຮັດສິ່ງເຫຼົ່ານີ້ຈະບໍ່ມີມື້ລົ້ມລົງ*ເລີຍ.+

ເພງສັນລະເສີນ 27:4

ຄຳພີໄບເບິນສະບັບແປໂລກໃໝ່
- 4 ສິ່ງໜຶ່ງທີ່ຂ້ອຍເຄີຍຂໍຈາກພະເຢໂຫວາ
  ເຊິ່ງເປັນສິ່ງທີ່ຂ້ອຍຢາກໄດ້ຫຼາຍ
  ນັ້ນແມ່ນການໄດ້ຢູ່ວິຫານ*ຂອງພະເຢໂຫວາຕະຫຼອດຊີວິດຂອງຂ້ອຍ+
  ເພື່ອຈະໄດ້ແນມເບິ່ງຄວາມດີ*ຂອງພະເຢໂຫວາ
  ແລະເບິ່ງວິຫານຂອງເພິ່ນດ້ວຍຄວາມຊື່ນຊົມຍິນດີ.*+

ເພງສັນລະເສີນ 84:1-4

ຄຳພີໄບເບິນສະບັບແປໂລກໃໝ່
- 84 ພະເຢໂຫວາຜູ້ບັນຊາການກອງທັບເອີ້ຍ
  ລູກຮັກບ່ອນຢູ່ທີ່ຍິ່ງໃຫຍ່ຂອງພະອົງຫຼາຍແທ້ໆ.+
  
  2 ລູກຢາກຢູ່ເດີ່ນວິຫານຂອງພະເຢໂຫວາອີ່ຫຼີ.+
  ລູກຢາກໄປຢູ່ຫັ້ນຫຼາຍຈົນໝົດເຫື່ອໝົດແຮງ.
  ລູກຮ້ອງເພງດ້ວຍຄວາມຍິນດີຕໍ່ໜ້າພະເຈົ້າຜູ້ມີຊີວິດຢູ່
  
  ດ້ວຍສຸດຫົວໃຈແລະສຸດກຳລັງ.
  
  3 ແມ່ນແຕ່ນົກກໍຍັງມີບ່ອນຢູ່ໃນວິຫານຂອງພະອົງ.
  ນົກແອ່ນກໍຍັງເຮັດຮັງແລະເບິ່ງແຍງລູກຂອງມັນຢູ່ໃກ້ໆແທ່ນບູຊາຂອງພະອົງ.
  ພະເຢໂຫວາຜູ້ບັນຊາການກອງທັບເອີ້ຍ ພະອົງເປັນກະສັດແລະເປັນພະເຈົ້າຂອງລູກ.
  
  4 ຄົນທີ່ໄດ້ຢູ່ວິຫານຂອງພະອົງກໍມີຄວາມສຸກຫຼາຍ.+
  
  ເຂົາເຈົ້າສັນລະເສີນພະອົງບໍ່ຢຸດບໍ່ເຊົາ.+ (ເຊລາ)*

ເພງສັນລະເສີນ 84:10

ຄຳພີໄບເບິນສະບັບແປໂລກໃໝ່
- 10 ໃຫ້ລູກຢູ່ພັກປະຕູວິຫານຂອງພະເຈົ້າກໍຍັງດີກວ່າຢູ່ໃນເຕັ້ນຂອງຄົນຊົ່ວ
  ຍ້ອນຢູ່ເດີ່ນວິຫານຂອງພະອົງມື້ດຽວກໍດີກວ່າຢູ່ບ່ອນອື່ນໜຶ່ງພັນມື້.+