• ເນເຮມີຢາ 2:3
    ຄຳພີໄບເບິນສະບັບແປໂລກໃໝ່

    • 3 ຂ້ອຍ​ຕອບ​ກະສັດ​ວ່າ: “ຂໍ​ໃຫ້​ກະສັດ​ມີ​ອາຍຸ​ຍືນຍາວ. ຂ້ອຍ​ໂສກເສົ້າ​ກໍ​ຍ້ອນ​ວ່າ​ເມືອງ​ທີ່​ເປັນ​ບ່ອນ​ຝັງ​ສົບ​ຂອງ​ປູ່ຍ່າຕານາຍ​ຂອງ​ຂ້ອຍ​ເປ່ເພ​ແລະ​ປະຕູ​ເມືອງ​ກໍ​ຖືກ​ຈູດ.”+

  • ເພງສັນລະເສີນ 84:2
    ຄຳພີໄບເບິນສະບັບແປໂລກໃໝ່

    •  2 ລູກ​ຢາກ​ຢູ່​ເດີ່ນ​ວິຫານ​ຂອງ​ພະ​ເຢໂຫວາ​ອີ່ຫຼີ.+

      ລູກ​ຢາກ​ໄປ​ຢູ່​ຫັ້ນ​ຫຼາຍ​ຈົນ​ໝົດ​ເຫື່ອ​ໝົດ​ແຮງ.

      ລູກ​ຮ້ອງ​ເພງ​ດ້ວຍ​ຄວາມ​ຍິນດີ​ຕໍ່​ໜ້າ​ພະເຈົ້າ​ຜູ້​ມີ​ຊີວິດ​ຢູ່

      ດ້ວຍ​ສຸດ​ຫົວໃຈ​ແລະ​ສຸດ​ກຳລັງ.

  • ເພງສັນລະເສີນ 102:13, 14
    ຄຳພີໄບເບິນສະບັບແປໂລກໃໝ່

    • 13 ພະອົງ​ຈະ​ລຸກ​ຂຶ້ນ​ແລະ​ສະແດງ​ຄວາມ​ເມດຕາ​ຕໍ່​ຊີໂອນ+

      ຍ້ອນ​ວ່າ​ນີ້​ແມ່ນ​ເວລາ​ທີ່​ພະອົງ​ຈະ​ອີ່ຕົນ​ເມືອງ​ນີ້.+

      ເວລາ​ທີ່​ກຳນົດ​ໄວ້​ມາ​ຮອດ​ແລ້ວ.+

      14 ຜູ້​ຮັບ​ໃຊ້​ຂອງ​ພະອົງ​ຖື​ວ່າ​ກ້ອນ​ຫີນ​ຂອງ​ເມືອງ​ນີ້​ມີຄ່າ.+

      ແມ່ນ​ແຕ່​ຂີ້​ດິນ​ຂອງ​ເມືອງ​ນີ້ ເຂົາເຈົ້າ​ກໍ​ຮັກ​ຫຼາຍ.+

  • ເອຊາຢາ 62:1
    ຄຳພີໄບເບິນສະບັບແປໂລກໃໝ່

    • 62 ຍ້ອນ​ເຮົາ​ຮັກ​ຊີໂອນ ເຮົາ​ຈະ​ບໍ່​ມິດ​ຢູ່+

      ແລະ​ຍ້ອນ​ເຮົາ​ຮັກ​ເຢຣູຊາເລັມ ເຮົາ​ຈະ​ບໍ່​ຢູ່​ຊື່​ໆ​.

      ເຮົາ​ຈະ​ໃຫ້​ຄວາມ​ຖືກຕ້ອງ​ຂອງ​ເມືອງ​ນີ້​ສ່ອງ​ແສງ​ຄື​ກັບ​ແສງ​ທີ່​ເຈີດ​ຈ້າ+

      ແລະ​ໃຫ້​ຄວາມ​ລອດ​ຂອງ​ເມືອງ​ນີ້​ສ່ອງ​ແສງ​ຄື​ກັບ​ກະບອງ​ໄຟ​ທີ່​ມີ​ໄຟ​ລຸກ​ຢູ່.+

  • ເຢເຣມີຢາ 51:50
    ຄຳພີໄບເບິນສະບັບແປໂລກໃໝ່

    • 50 ພວກ​ເຈົ້າ​ທີ່​ລອດ​ຈາກ​ດາບ ໃຫ້​ແລ່ນ​ຕໍ່​ໄປ ຢ່າ​ຢືນ​ຢູ່​ຊື່​ໆ​!+

      ພວກ​ເຈົ້າ​ທີ່​ຢູ່​ບ່ອນ​ໄກ​ໆ​ ໃຫ້​ນຶກ​ເຖິງ​ພະ​ເຢໂຫວາ

      ແລະ​ໃຫ້​ນຶກ​ເຖິງ​ເຢຣູຊາເລັມ.+