-
ເຢເຣມີຢາ 14:14ຄຳພີໄບເບິນສະບັບແປໂລກໃໝ່
-
-
14 ພະເຢໂຫວາເວົ້າກັບຂ້ອຍວ່າ: “ພວກຜູ້ພະຍາກອນກຳລັງພະຍາກອນຕົວະໂດຍໃຊ້ຊື່ຂອງເຮົາ.+ ເຮົາບໍ່ໄດ້ສົ່ງເຂົາເຈົ້າໄປ ບໍ່ໄດ້ສັ່ງເຂົາເຈົ້າໃຫ້ເວົ້າແນວນັ້ນ ແລະບໍ່ໄດ້ເວົ້າກັບເຂົາເຈົ້າເລີຍ.+ ສິ່ງທີ່ເຂົາເຈົ້າບອກເຈົ້າເປັນນິມິດຂີ້ຕົວະ ເປັນຄຳທຳນາຍທີ່ບໍ່ມີປະໂຫຍດ ແລະເປັນເລື່ອງຫຼອກລວງທີ່ເຂົາເຈົ້າຄິດຂຶ້ນມາເອງ.*+
-
-
ເຢເຣມີຢາ 28:15, 16ຄຳພີໄບເບິນສະບັບແປໂລກໃໝ່
-
-
15 ຜູ້ພະຍາກອນເຢເຣມີຢາຈຶ່ງເວົ້າກັບຜູ້ພະຍາກອນຮານານີຢາ+ວ່າ: “ຮານານີຢາເອີ້ຍ ໃຫ້ເຈົ້າຟັງເດີ້! ພະເຢໂຫວາບໍ່ໄດ້ສົ່ງເຈົ້າມາ ແຕ່ເຈົ້າເຮັດໃຫ້ຄົນຊາດນີ້ເຊື່ອຄຳຕົວະຂອງເຈົ້າ.+ 16 ດັ່ງນັ້ນ ພະເຢໂຫວາຈຶ່ງບອກວ່າ ‘ເຮົາຈະກຳຈັດເຈົ້າອອກຈາກແຜ່ນດິນ. ປີນີ້ເຈົ້າຈະຕ້ອງຕາຍຍ້ອນເຈົ້າໄດ້ກະຕຸ້ນປະຊາຊົນໃຫ້ກະບົດຕໍ່ພະເຢໂຫວາ.’”+
-
-
ເອເຊກຽນ 13:8, 9ຄຳພີໄບເບິນສະບັບແປໂລກໃໝ່
-
-
8 ‘ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເວົ້າວ່າ “‘ຍ້ອນນິມິດແລະຄຳພະຍາກອນຂອງເຂົາເຈົ້າເປັນເລື່ອງຂີ້ຕົວະ ເຮົາຈຶ່ງເປັນສັດຕູກັບເຂົາເຈົ້າ.’ ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເວົ້າຈັ່ງຊີ້.”+ 9 ເຮົາຈະເດ່ມືອອກໄປລົງໂທດພວກຜູ້ພະຍາກອນທີ່ເຫັນນິມິດແລະເວົ້າຄຳພະຍາກອນທີ່ຂີ້ຕົວະ.+ ເຂົາເຈົ້າຈະບໍ່ໄດ້ຢູ່ໃນກຸ່ມຄົນທີ່ເຮົາເຮັດດີນຳ. ຊື່ຂອງເຂົາເຈົ້າຈະບໍ່ຖືກຂຽນໄວ້ໃນລາຍຊື່ຄົນອິດສະຣາເອນ ແລະເຂົາເຈົ້າຈະບໍ່ໄດ້ກັບຄືນມາແຜ່ນດິນອິດສະຣາເອນ ແລ້ວເຂົາເຈົ້າຈະຮູ້ວ່າເຮົາເຢໂຫວາເປັນພະເຈົ້າຜູ້ຍິ່ງໃຫຍ່ສູງສຸດ.+
-