ຄຳນຳຕອນທີ 5
ຫຼັງຈາກຄົນອິດສະຣາເອນຂ້າມທະເລແດງມາໄດ້ 2 ເດືອນ ເຂົາເຈົ້າກໍມາຮອດພູຊີນາຍ. ຕອນທີ່ຢູ່ຫັ້ນ ພະເຢໂຫວາໄດ້ເຮັດສັນຍາກັບຄົນອິດສະຣາເອນແລະເລືອກເຂົາເຈົ້າໃຫ້ເປັນຊາດພິເສດຂອງເພິ່ນ. ພະເຢໂຫວາໄດ້ປົກປ້ອງແລະເບິ່ງແຍງເຂົາເຈົ້າໃຫ້ມີສິ່ງຈຳເປັນທຸກຢ່າງ ເຊັ່ນ: ໃຫ້ມີມານາເປັນອາຫານ ໃຫ້ເຄື່ອງນຸ່ງຂອງເຂົາເຈົ້າບໍ່ຫ້ຽນບໍ່ຂາດ ແລະໃຫ້ເຂົາເຈົ້າມີບ່ອນຢູ່ທີ່ປອດໄພ. ຖ້າເຈົ້າເປັນພໍ່ແມ່ ຂໍຊ່ວຍລູກຂອງເຈົ້າໃຫ້ເຂົ້າໃຈວ່າເປັນຫຍັງພະເຢໂຫວາຈຶ່ງໃຫ້ກົດໝາຍກັບຄົນອິດສະຣາເອນ ໃຫ້ສ້າງເຕັ້ນສັກສິດ ແລະໃຫ້ມີປະໂລຫິດ. ໃຫ້ເນັ້ນກັບລູກວ່າເປັນເລື່ອງສຳຄັນທີ່ຈະເຮັດຕາມສັນຍາ ເປັນຄົນຖ່ອມໂຕ ແລະສັດຊື່ຕໍ່ພະເຢໂຫວາສະເໝີ.