ຊີວິດຄລິດສະຕຽນ
ຢ່າລືມອະທິດຖານເພື່ອພີ່ນ້ອງຄລິດສະຕຽນທີ່ຖືກຂົ່ມເຫງ
ຄຳພີໄບເບິນໄດ້ບອກລ່ວງໜ້າວ່າຊາຕານຈະຂົ່ມເຫງເຮົາໂດຍພະຍາຍາມຂັດຂວາງວຽກປະກາດຂອງເຮົາ. (ໂຢ. 15:20; ຄຳປ. 12:17) ເຮົາຈະຊ່ວຍພີ່ນ້ອງຄລິດສະຕຽນໃນປະເທດອື່ນແນວໃດທີ່ກຳລັງປະສົບກັບການຂົ່ມເຫງ? ເຮົາອະທິດຖານເພື່ອເຂົາເຈົ້າໄດ້ ເພາະ “ຄຳອ້ອນວອນດ້ວຍໃຈຮ້ອນຮົນແຫ່ງຜູ້ຊອບທຳກໍມີອຳນາດຫຼາຍ.”—ຢໂກ. 5:16
ເຮົາຈະອະທິດຖານວ່າແນວໃດ? ເຮົາສາມາດຂໍພະເຢໂຫວາໃຫ້ຊ່ວຍພີ່ນ້ອງເຫຼົ່ານັ້ນມີຄວາມກ້າຫານແລະບໍ່ຢ້ານກົວ. (ເອຊາ. 41:10-13) ເຮົາຍັງສາມາດອະທິດຖານຂໍໃຫ້ເຈົ້າໜ້າທີ່ບ້ານເມືອງຍອມໃຫ້ເຮົາເຮັດວຽກປະກາດຕໍ່ໄປ “ເພື່ອເຮົາທັງຫຼາຍຈະໄດ້ມີຊີວິດຢູ່ດ້ວຍຄວາມສຸກສຳລານແລະສະຫງົບງຽບ.”—1 ຕີໂມ. 2:1, 2
ເມື່ອໂປໂລແລະເປໂຕຖືກຂົ່ມເຫງ ຄລິດສະຕຽນໃນສະຕະວັດທຳອິດໄດ້ອະທິດຖານເພື່ອເຂົາເຈົ້າໂດຍເວົ້າຊື່ຂອງເຂົາເຈົ້າໃນຄຳອະທິດຖານ. (ກິດ. 12:5; ໂລມ 15:30, 31) ເຖິງວ່າເຮົາບໍ່ຮູ້ຈັກຊື່ຂອງພີ່ນ້ອງທຸກຄົນທີ່ຖືກຂົ່ມເຫງໃນຕອນນີ້ ແຕ່ເຮົາກໍອາດເວົ້າເຖິງປະຊາຄົມ ປະເທດ ຫຼືຂົງເຂດທີ່ເຂົາເຈົ້າອາໄສຢູ່.