ສິ່ງທີ່ເຈົ້າຈະເອົາໄປໃຊ້ໃນວຽກປະກາດ | ເພີ່ມຄວາມສຸກໃນວຽກຮັບໃຊ້
ຍອມໃຫ້ພີ່ນ້ອງຂອງເຮົາຊ່ວຍ
ພະເຢໂຫວາໄດ້ຈັດກຽມ “ສັງຄົມພີ່ນ້ອງຄລິດສະຕຽນ” ໄວ້ເພື່ອຊ່ວຍເຮົາ. (1ປຕ 5:9) ເຂົາເຈົ້າສາມາດຊ່ວຍເຮົາໃຫ້ຮັບມືກັບບັນຫາໃນວຽກຮັບໃຊ້ໄດ້. ຕົວຢ່າງເຊັ່ນ ອັກຄະສາວົກໂປໂລໄດ້ຮັບປະໂຫຍດຈາກຄວາມຊ່ວຍເຫຼືອຂອງອາກີລາກັບປີຊະກີລາ ຊີລາ ຕີໂມທຽວ ແລະພີ່ນ້ອງຄົນອື່ນໆນຳ.—ກຈກ 18:1-5
ພີ່ນ້ອງຈະຊ່ວຍເຈົ້າໃນວຽກຮັບໃຊ້ໄດ້ແນວໃດ? ເຂົາເຈົ້າອາດໃຫ້ຄຳແນະນຳທີ່ເປັນປະໂຫຍດວ່າຈະຕອບຂໍ້ໂຕ້ແຍ່ງແນວໃດ ຈະກັບໄປຢາມແນວໃດ ຫຼືຈະສະເໜີແລະນຳການສຶກສາຄຳພີໄບເບິນແນວໃດ. ຄິດເຖິງບາງຄົນໃນປະຊາຄົມທີ່ຈະຊ່ວຍເຈົ້າໄດ້ ແລ້ວຂໍຄວາມຊ່ວຍເຫຼືອຈາກລາວ. ການເຮັດແບບນີ້ຈະຊ່ວຍໃຫ້ທັງເຈົ້າກັບລາວໄດ້ຮັບປະໂຫຍດ ແລະມີຄວາມສຸກໃນວຽກຮັບໃຊ້.—ຟລປ 1:25
ເບິ່ງວິດີໂອມີຄວາມສຸກໃນການສອນຄົນໃຫ້ເຂົ້າມາເປັນລູກສິດ—ຍອມໃຫ້ພະເຢໂຫວາຊ່ວຍ—ພີ່ນ້ອງຂອງເຮົາ ແລ້ວຕອບຄຳຖາມຕໍ່ໄປນີ້:
ນີຕ້າພະຍາຍາມຫຼາຍສ່ຳໃດທີ່ຈະຊວນເຈດີ້ເຂົ້າຮ່ວມປະຊຸມ?
ເປັນຫຍັງເຮົາຄວນຊວນພີ່ນ້ອງມາຮ່ວມສຶກສາກັບເຮົາ?
ປະຊາຄົມມີສ່ວນໃນການເຮັດໃຫ້ຄົນຜູ້ໜຶ່ງເຂົ້າມາເປັນລູກສິດ
ເຈດີ້ກັບປ້າອາບີເກສົນໃຈໃນເລື່ອງຫຍັງຄືກັນ?
ເຈົ້າຮຽນຫຍັງໄດ້ຈາກພີ່ນ້ອງທີ່ໄປຮັບໃຊ້ນຳກັນ?