ສິ່ງທີ່ເຈົ້າຈະເອົາໄປໃຊ້ໃນວຽກປະກາດ | ເພີ່ມຄວາມສຸກໃນວຽກຮັບໃຊ້
ສອນນັກສຶກສາໃຫ້ຮູ້ວິທີສຶກສາສ່ວນຕົວ
ເພື່ອຈະຊ່ວຍນັກສຶກສາໃຫ້ຮູ້ຈັກພະເຢໂຫວາແລະເປັນຄລິດສະຕຽນທີ່ມີຄວາມເປັນຜູ້ໃຫຍ່ ລາວຕ້ອງຮຽນຮູ້ຫຼາຍກວ່າທີ່ເຮົາສອນ. (ມທ 5:3; ຮຣ 5:12-6:2) ເຂົາເຈົ້າຍັງຕ້ອງຮູ້ວິທີສຶກສາສ່ວນຕົວນຳ.
ເຈົ້າຕ້ອງສອນນັກສຶກສາໃຫ້ຮູ້ວິທີກຽມໂຕສຳລັບສຶກສາຕັ້ງແຕ່ທຳອິດ ແລະສະໜັບສະໜູນເຂົາເຈົ້າໃຫ້ເຮັດແບບນັ້ນ. (ຄມປ18.03 ໜ້າ 6) ສະໜັບສະໜູນນັກສຶກສາໃຫ້ອະທິດຖານກ່ອນສຶກສາສ່ວນຕົວແຕ່ລະຄັ້ງ. ຊ່ວຍເຂົາເຈົ້າໃຫ້ຮູ້ຈັກໃຊ້ເຄື່ອງມືສຶກສາຄົ້ນຄວ້າໃນເວັບໄຊແລະແອັບຂອງອົງການ. ສອນລາວວ່າຈະເບິ່ງສິ່ງໃໝ່ໆໃນເວັບໄຊ jw.org ແລະລາຍການໂທລະທັດ JW ແນວໃດ. ຄ່ອຍໆສອນເຂົາເຈົ້າໃຫ້ອ່ານຄຳພີໄບເບິນທຸກມື້ ກຽມໂຕສຳລັບການປະຊຸມ ແລະຮູ້ວິທີຄົ້ນຄວ້າຫາຄຳຕອບໃນເລື່ອງທີ່ສົງໄສ. ສອນເຂົາເຈົ້າໃຫ້ຄິດຕຶກຕອງເລື່ອງທີ່ໄດ້ຮຽນ.
ເບິ່ງວິດີໂອຊ່ວຍນັກສຶກສາໃຫ້ຮູ້ວິທີສຶກສາສ່ວນຕົວ ແລ້ວຕອບຄຳຖາມຕໍ່ໄປນີ້:
ນີຕ້າຊ່ວຍເຈດີ້ໃຫ້ເຫັນແນວໃດວ່າການສຶກສາບໍ່ແມ່ນພຽງແຕ່ການຖາມຕອບເທົ່ານັ້ນ?
ອັນໃດຊ່ວຍເຈດີ້ໃຫ້ໝັ້ນໃຈວ່າພະເຢໂຫວາມີສິດຫ້າມບໍ່ໃຫ້ມີເພດສຳພັນກ່ອນແຕ່ງດອງ?
ສອນນັກສຶກສາໃຫ້ຮູ້ວິທີຄົ້ນຄວ້າແລະເອົາສິ່ງທີ່ໄດ້ຮຽນໄປໃຊ້
ເຈດີ້ເຂົ້າໃຈຫຍັງກ່ຽວກັບການຄິດຕຶກຕອງ?