ເຄັດລັບການຄົ້ນຄວ້າ
ຮັບປະໂຫຍດຈາກຂໍ້ຄຳພີທີ່ກ່ຽວຂ້ອງກັນໃນພະຄຳພີສະບັບແປໂລກໃໝ່
ຂໍ້ຄຳພີທີ່ກ່ຽວຂ້ອງກັນທີ່ຢູ່ໃນພະຄຳພີບໍລິສຸດສະບັບແປໂລກໃໝ່ເຮັດໃຫ້ເຫັນວ່າຄຳພີໄບເບິນສອດຄ່ອງກັນໂດຍເຊື່ອມຂໍ້ຄຳພີໜຶ່ງກັບຂໍ້ຄຳພີອື່ນທີ່ມີຂໍ້ມູນເພີ່ມເຕີມ. ເພື່ອຈະຮູ້ວ່າຂໍ້ໃດມີຂໍ້ຄຳພີທີ່ກ່ຽວຂ້ອງກັນແມ່ນໃຫ້ຊອກເບິ່ງພະຍັນຊະນະລາວໂຕນ້ອຍໆທີ່ຢູ່ທາງຫຼັງຄຳເວົ້າ. ສຳລັບຄຳພີໄບເບິນທີ່ເປັນຫົວ ຂໍ້ຄຳພີທີ່ກ່ຽວຂ້ອງກັນຈະລຽງຢູ່ທາງຂ້າງ. ໃນເວັບໄຊ jw.org ຫຼືໃນແອັບ JW Library® ໃຫ້ກົດພະຍັນຊະນະລາວເພື່ອເບິ່ງຂໍ້ຄຳພີທີ່ກ່ຽວຂ້ອງກັນ.
ຂໍ້ຄຳພີທີ່ກ່ຽວຂ້ອງກັນອາດເຊື່ອມກັບສ່ວນຕໍ່ໄປນີ້ແລະສ່ວນອື່ນໆນຳ ເຊັ່ນ:
ບັນທຶກເລື່ອງດຽວກັນໃນອີກບ່ອນໜຶ່ງຂອງພະຄຳພີ: ຂໍ້ຄຳພີທີ່ກ່ຽວຂ້ອງກັນພາເຈົ້າໄປຫາປຶ້ມຫົວອື່ນໃນພະຄຳພີທີ່ເປັນເລື່ອງດຽວກັນ. ຕົວຢ່າງເຊັ່ນ: 2 ຊາມູເອນ 24:1 ກັບ 1 ຂ່າວຄາວ 21:1.
ຂໍ້ຄວາມທີ່ຍົກຂຶ້ນມາເວົ້າ: ຂໍ້ຄຳພີທີ່ກ່ຽວຂ້ອງກັນບອກໃຫ້ຮູ້ວ່າຄຳເວົ້ານັ້ນມາຈາກໃສ. ຕົວຢ່າງເຊັ່ນ: ມັດທາຍ 4:4 ກັບພະບັນຍັດ 8:3.
ຄຳພະຍາກອນທີ່ເກີດຂຶ້ນແທ້: ຂໍ້ຄຳພີທີ່ກ່ຽວຂ້ອງກັນເຊື່ອມຄຳພະຍາກອນກັບສິ່ງທີ່ເກີດຂຶ້ນແທ້. ຕົວຢ່າງເຊັ່ນ: ໃຫ້ເບິ່ງມັດທາຍ 21:5 ກັບເຊຄາຣີຢາ 9:9.