Le I Bika Byotufwaninwe Kulonga pa Kusangaja Leza?

Tyina byobya bibi. 1 Kodinda 6:9, 10

Shi tusenswe Yehova, ketukalongapo bintu byashikilwe.

Yehova ketusakilangapo kwiba, kukolwa ne kwingidija bibi bikolwañana.

Leza ushikilwe butapani, kupulumuna dīmi, ne bulādi bwa bantu ba ngitu imo. Ketusakilangapo makomwa-meso ne kumana.

Ketufwaninwepo kutōta bankishi nansha kupaka manga.

Mu Paladisa ya pano panshi isa kufika, bantu balonga bibi kebakekala’mopo.

Longa byobya biyampe. Mateo 7:12

Pa kusangaja Leza, tufwaninwe kulonga bukomo bwa kumwiula.

Sanswa bakwenu na kwikala na kanye ne buntu.

Ikala wampikwa budimbidimbi.

Ikala na lusa ne kulekela bakwenu.

Sapwila bakwenu myanda ya Yehova ne mashinda andi.​—Isaya 43:10.