Lelo I Bika Binena Bible?

Lelo tudi mu “mafuku a mfulo”?

Le abe amba namani?

• En-en

• Aa

• Padi

Binena Bible

“Mu mafuku a mfulo kukekalanga bitatyi bya makambakano bikomo ne mwa kulongela.” (2 Temote 3:1) Bupolofeto bwa Bible kutyanga ne bimweka dyalelo, byonso bilombola’mba tudi mu “mafuku a mfulo.”

Le i bika bikwabo byotwifunda mu Bible?

• Mafuku a mfulo adi a kuyukena ku mavita, bipupo bya nzala, kutenkena kwa nshi, ne bipupo bya mbá kadi bileta lufu.​—Mateo 24:3, 7; Luka 21:11.

• Mu mafuku a mfulo, mwikadilo ne būmi bwa ku mushipiditu bwa muzo wa muntu byadi bya koneka.​—2 Temote 3:2-5.

I bika bisa kufikila bantu kumeso’ku?

Bamo bakulupile . . . amba mafuku a mfulo akafula na konakanibwa kwa ino nshi ne byonso bidi’po, bakwabo nabo amba bintu bisa kulumbulukila’ko. Le ulanga’po namani?

Binena Bible

“Boloke bakapyananga ntanda, ne kwikala monka nyeke.”​—Ñimbo ya Mitōto 37:29.

Le i bika bikwabo byotwifunda mu Bible?

• Mafuku a mfulo akafula na kufundulwa’ko kwa bibi byonso.​—1 Yoano 2:17.

• Ntanda ikalamunwa ke paladisa.​—Isaya 35:1, 6.