‘Bīka Kantu Kampanda Pafula’

Kipwilo kibajinji kya bwine Kidishitu kyādi na bisakibwa bya ku ngitu byādi bifwaninwe kutebwa’ko mutyima. Muntu ne muntu, kukwatañana na kamweno kandi, wādi ukankamikwa ‘kubīka kantu kampanda pafula’ bu kyabuntu kya kukwasha ku bino bisakibwa. (1 Kod. 16:1-3) Bantu bonso bāsangele ne ‘kufwija’ko Leza mpata’ pa mwanda wa mutyima wabo wa buntu.​—2 Kod. 9:11, 12.

Dyalelo mwingilo wingila bantu ba Yehova ntanda yonso wendanga uvudila’ko, pano po pene poulomba kukwatakanibwa na mukōlo muvule. O mwanda i kyendele’mo netu ‘tubīke’ko kantu kampanda pafula’ kitatyi ne kitatyi mwanda wa kulunga kuboko ku kuvuija bino bisakibwa. (2 Kod. 8:3, 4) Byabuntu bikokeja kuletwa mu miswelo mishileshile. (Tala Kiteba kya Mulami kya 1 Kweji 11, 2001, paje 28-29, Falanse.) Tudi na bubinga bwa kumwena kuno kupāna bu madyese aleta nsangaji yabinebine.​—Bil. 20:35.