Lupeto Lobendeja Nalo Mingilo Lulupukanga Ku Byabuntu

Mingilo yonso yotwadi tuwatela ino ingilwanga na bengidi bakwisakila, mwanda wa kutyepeja mulupu wa lupeto. Mwingilo wa ku njibo ne njibo ne wa kwabanya mabuku wingilwanga ku bitupu na ba Tumoni twa Yehova ku kusaka kwabo. Besāsaketanga abo bene. Bakulumpe batala bipwilo, pamo ne bengidi ba mingilo bebakwashanga’ko, kebafutwangapo nansha dimo pamwanda wa mingilo yabo. Besāsaketanga abo bene.

Nansha ke bonso badi mu Kitango Kyendeji bene, ne bakwabo bengila mwingilo wa kitatyi kyonso na kuteakanya ne kulupula ma Bible ne mabuku esambila pa Bible, abo bonso bapebwanga’nka kyumba bitupu ne bidibwa, ebiya ne kalupeto katyetye ka kwikwasha nako. Ye mokikadile ne ku batadi bendakana ba mu mwingilo wa kitatyi kyonso.

Etu mabuku alupulwanga mwanda wa kukwasha boba basangela Bible nabubinebine. Lupeto lwa kyalwilo lwa kupota nalo bingidilwa, lwa kulupula nalo mabuku ne kwabanya’o, lutambanga ku lupeto lupotwanga mabuku na bantu basangelanga’o ne ku byabuntu, ku bipyanwa, ne bikwabo bitūlwa na ba Tumoni twa Yehova abo bene.

Ku kupwila kwa ba Tumoni twa Yehova konso, kwikale kwa pa kipwilo, nansha kwa ku kubungakana, kwikalanga tumasanduku tutūlwanga’mo byabuntu na boba basaka kutūla byabuntu. Kekulombwengapo mukongo wa lupeto, mhm. Kekudipo milambu nansha byakujikija bu dikumi bifwaninwe kutūlwa, mhm. Muntu yense ukokeja kutūla kyabuntu mungya mumulombwela mutyima wandi, ye munenena Bisonekwa.​—⁠2 Kodinda 8:12; 9:⁠7.

• Lupeto lwendejibwanga nalo mingilo ya ba Tumoni twa Yehova lelo lutambanga kwepi?

[Kapango pa paje 28]

Byabuntu Bya Mwingilo wa Sosiete wa Ntanda Yonso—Mateo 24:14  

Mukanda wa kupyanika mulembwe na

Yoano A. Kamoni

Ami, Yoano A. Kamoni, nshikatanga ku ....