Bantu Netu Basakanga Kwivwana Myanda Miyampe
1 Leza usakilanga “bantu bonso kupanda, bafike ne pa [buyuki bwa]binebine.” (1 Tem. 2:4) “Bantu bonso” banenwa pano i bantu netu bonso. Pa kunena’mba myanda miyampe ibatenge, kitusakila kwalamuna misapwilo yetu ne kulanguluka pa myanda ikokeja kusangaja umo ne umo umbukata mwabo. (1 Kod. 9:19-23) Bulongolodi bwa Yehova bwitupele bingidilwa byotubwanya kutenga nabyo mityima ya boba badi ‘mu ngikadilo ifwaninwe būmi bwanyeke.’ (Bil. 13:48) Tutalei muswelo otukokeja kwingidija mikanda, yotukapāna mu Kweji 8 ne 9, mwa kubwaninya bisakibwa bya kumushipiditu bya bantu netu.
2 Mikanda Yotupāna: Madingi alonda’ko ano abwanya kukukwasha uyuke mwa kupānina mikanda imoimo. Madingi ne madingi adi na: (1) kipangujo kilanguluja muntu kya kushilula nakyo mīsambo, (2) kwa kunyemena mu mukanda mokatana myanda ya kwisambila’po ne (3) kisonekwa kya Bible kikwatañene nayo kyokatanga mu bula bwa mīsambo. Ino mu mīsambo yokabweja’ko ingidija’mo binenwa byobe abe mwine mungya kusepelela kwa muntu. Ntwelelo ikonkotola kamwanda ne kamwanda mu mikanda mivule ukeitana mu Mwingilo Wetu wa Bulopwe utelelwe.
Dieu se soucie-t-il vraiment de nous?
Molangila, bantu bamweshibwa malwa bakokeja kwikala na kikulupiji’ka?—Paje 27-28, musāngo 23-27; Is. 65:17, 18; km 8/97 paje 8.
Quel est le but de la vie? Comment le découvrir?
Mwanda waka bantu bavule dyalelo kebasangelangapo būmi bobadi nabo?—Paje 29-30, musāngo 2, 25-26; Mit. 145:16; km 8/96 paje 8.
Ikalai ne bumi bwa nsangaji ya nyeke pano pa ntanda!
Lelo nobe kodi mwiipangule bilonga Yesu Kidishitu mu kino kitatyi?—Bifwatulo pa paje 41-42; Kus. 11:15; km 9/96 paje 4.
Umbikalo ukatulako Paladisa.
Lelo usakanga kuyuka shi bulopwe bwētufundije Yesu kulombela bwādi Bulopwe’ka?—Paje 3; Mat. 6:9, 10; km 9/96 paje 4.
Kitatyi Kifwa Muntu Osenswe. . .
Lelo nobe ukomenwanga kya kulonga pa kusenga muntu ufwidilwe muswe wandi?—Paje 26, musāngo 2-5; Yoa. 5:28, 29; km 8/97 paje 8.
Lelo Ukakulupila mu Busatu-busantu?
Lelo ulanga’mba pa kusaka’mba tukamone būmi buyampe kumeso kitulomba kuyuka mwikadile Leza?—Paje 3, musāngo 3, 7-8; Yoa. 17:3.
3 Mikanda Mikwabo: Dyani dya ntentekelo dya Mwingilo Wetu wa Bulopwe wa Kweji 3, 1998 i ditele mulongo wa mikanda ne mabuku makwabo a kukwasha nao bene Buddha, Bayuda, bene Hindu ne Bamizilma. Shi i kyendele’mo, nankyo ukokeja kwiipāna. Shi usaka madingi a mwa kwiipānina, pituluka mu dyao dyani dya ntentekelo pa paje 4-6, ne paje 13-16 mu kabuku Muswelo wa Kushilula ne Kwendeleja Misambo Itala pa Bible, teakanya byakumwenako bīpi bilangula kusepelela kwa bano bantu.
4 Kudi mukanda mukwabo walupwidilwe kukwasha nao boba bayukile bintu bityetye bitala pa Bible, ino abo’ko bafunde masomo. Uno mukanda udi na kitungo kya kwibakunka babandaule Kinenwa kya Leza. Shi ubamone mukenga, ukokeja kwiupāna:
Un livre pour tous.
Molangila, lelo kufunda masomo mayampe kufwaninwe kutweja’mo ne buyuki kampanda bwa Bible?—Paje 3, musāngo 1-3 ne paje 30, musāngo 2; Mus. 12:9, 10.
5 Mukanda wa Kifundwa: Tufwaninwe kwikala nyeke na kitungo kya kushilula kifundwa kya Bible, tamba’nka ku kwitana kubajinji nansha mu kujokelamo kupya. Pa kino, tudi na mukanda witulombola muswelo wa kushilula ne kwendeja kifundwa pakubulwa makambakano:
I Kika Kisaka Leza Kotudi?
Lelo uyukile amba shi witūdile’ko minite 30 ku yenga ne yenga, mu mayenga 16, usa kwikala na buyuki bwa Bible bwa kyalwilo?—Kifundwa 2, musāngo 6; 2 Tem. 3:16, 17; km 5/97 paje 8.
6 Yesu wālombwele patōka mu kyelekejo kyandi kya mwine Samadia wa mutyima muyampe amba mukwetu wabine i yewa ulombola buswe ne buyampe bwa mutyima ku muntu upēpwa mutyima. (Luka 10:27-37) Ino tuyukile’mba bantu netu bapēpwanga mityima. Basakanga kwivwana myanda miyampe. Tuvuijei nanshi kiselwa kyetu ku bantu netu na kwibayukija ino myanda miyampe. Kulonga namino ko kulombolanga amba twi bana-babwanga babine ba Yesu Kidishitu.—Mat. 24:14; Ngat. 5:14.