Tutelei’byo Mobyolokele!

Bantu bavule bekalanga na makambakano pa kutela Bisonekwa bya kunyemena’ko. Ino bakwabo nabo bebitelanga mu muswelo ulabika bemvwaniki. Shi ke pano, muswelo moloke wa kutela Bisonekwa bya kunyemena’ko i wepi? Mukanda ufundija mwa kutangila Appliquez-vous à la lecture et à l’écriture ushintulula patōkelela uno mwanda. Twikankilei’ko kulonda mutelelo udi pa paje 75: “Shi tusaka kushintulula muya i kika, tukokeja kunyemena ku Ngalwilo, shapita wa bubidi, vese wa busamba-bubidi. Kisonekwa kine kikalembwa uno muswelo: Ngalwilo 2:⁠7. . . . Mu muswelo umo onka, tukokeja kunyemena ku shapita wa busamba mu mukanda wa Mateo, vese wa kitema kutūla ku vese wa dikumi ne busatu. . . . Kino Kisonekwa kilembwa namino: Mateo 6:​9-13.” Muswelo umo onka, Mateo 6:​9, 13, ukatangwa’mba: Mateo shapita wa busamba, vese wa kitema ne wa dikumi ne busatu, nansha amba, Mateo isamba, kutangila pa kitema ne dikumi ne isatu. Tubamone’mba tuyukeno twa kwitūkija i tupingakanibwe na “kutūla ku,” “ne” nansha na kuleka kwitutela. Ke biyampepo kutela, kifwa amba, “Mateo shapita wa busamba, vese wa kitema, kakila (kakolole) dikumi ne isatu!” Mu kunena byoloke mo motukelombola bu basendwe ‘basapula biyampe kinenwa kya bubinebine monka mokyolokele’ pamo na mulongelanga batutu ne bakaka bakwabo bapye.​—⁠2 Temote 2:15; 1 Kodinda 1:⁠10.