Tukwashei Bantu Batendele Bande wa Video La Bible : le livre le plus ancien toujours d’actualité

Bipangujo bilonda’ko bino bilombola myanda yowaikele padi kukwata pa kubandila uno bande: (1) I bintu’ka bilombola amba Bible i dibuku dyakubulwa dikwabo didingakene nadyo? (2) Leta’ko kifwa kilombola muswelo ukwatañene Bible na sianse ya ino myaka, nansha byadi wa kala? (3) Tubwanya kukulupila muswelo’ka amba Bible otudi nandi dyalelo keshidilepo na bilembwa bibajinjibajinji? (4) I kintu’ka kya kutendelwa mpata ku byandikwa bya kala bya Bible, ne kino kikupa kikulupiji’ka mu mutyima? (5) Lelo ba John Wycliffe, Johannes Gutenberg, William Tyndale, Mary Jones, ne Charles Taze Russell bāelele kuboko namani ku kusambakanya Kinenwa kya Leza ntanda yonso? (6) Lelo bipwilo byālwile Bible bulwi bukatampe namani, ino i kika kyālengeje Bible ekale’ko ne dyalelo? (7) Bulongolodi bwa Yehova ke bwalamune ne kulupula Mabible mavule namani? (8) Madingi malumbuluke a mu Bible akwashanga bantu namani mu myanda ya kwilama ku bisela bya makayo a kwidya lupeto (1 Tem. 6:​9, 10), ku kusansana kwa besongele ne ku makoji (1 Kod. 13:​4, 5; Ef. 5:​28-33), ne ku kwipāna mu kukimbakimba byabupeta (Mat. 16:26)? (9) I kika kilombola amba kulonda misoñanya ya mu Bible kupwanga bantu mushikwa wa kushikwa bantu ba ntanda ingi, kabila kangi, muzo ungi, nansha lukoba lungi mu ino ntanda? (10) Lelo kwifunda kowifunda myanda idi mu Bible kukuletelanga nsangaji mikatampe mu muswelo’ka? (11) Molangila, i bāni babwanya kumwena kamweno mu uno bande wa video, ne usa kukebalombola’ye namani?