Bible​—Dibuku dya Mānga ne Bupolofeto

Dishike dya DVD dinena amba, La Bible : un livre historique et prophétique (Bible​—Dibuku dya Mānga ne Bupolofeto) didi na mavideo asatu, mibajinji inena’mba: La Bible : le livre le plus ancien toujours d’actualité (Bible: Dibuku dya Kalakala ino dya Kamweno Dyalelo.) Pa kupwa kubandila ino video, londolola ku bipangujo bilonda’ko:

(1) I bintu’ka bilombola amba Bible i mukwatañane na sianse? (2) Tubwanya kukulupila muswelo’ka amba Bible otudi nandi dyalelo keshidilepo na bilembwa bibajinjibajinji? (3) I kintu’ka kya kutendelwa mpata ku byandikwa bya kala bya Bible? (4) Lelo ba John Wycliffe, Johannes Gutenberg, William Tyndale, John Hus, Martin Luther, Casiodoro de Reina, ne Charles Taze Russell bāelele kuboko namani ku kusambakanya Kinenwa kya Leza ntanda yonso, ino bipwilo byālwile Bible bulwi bukatampe namani? (5) Madingi malumbuluke a mu Bible akwashanga bantu namani mu myanda itala bukomo bwa ngitu (Mit. 34:8), ku bisela bya makayo a kwidya lupeto (1 Tem. 6:9, 10), ku kusansana kwa besongele ne ku makoji (1 Kod. 13:4, 5; Ef. 5:28-33), ne kwipāna mu kukimbakimba byabupeta (Mat. 16:26)? (6) I kika kilombola amba kulonda misoñanya ya mu Bible kupwanga bantu mushikwa wa kushikwa bantu ba ntanda ingi, kabila kangi, muzo ungi, nansha lukoba lungi (Luka 10:27)? (7) Lelo kwifunda kowifunda myanda idi mu Bible kukuletelanga abe nsangaji mikatampe mu muswelo’ka? (8) Le i muswelo’ka obwanya kukwasha bantu bakwabo na ino video?​—Tala Mwingilo Wetu wa Bulopwe wa Kweji 2, 2006, paje 8.