Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 3

“Lelo kasha kweipangwile i muswelo’ka mulumbuluke wa kuludika būmi bobe ne wa kutyiba mbila mikatampe? [Muleke akulondolole.] Kudi mbila imo milumbuluke itanwa mu Bible, kifwa Kijila Kitabukile Bulēme. [Tanga Mateo 7:12.] Le i misoñanya’ka mikwabo ya Leza yotubwanya kumwena’mo kupityidila? Ukatana kilondololwa mu dino dipepala.”

Réveillez-vous ! 22 Kweji 2

“Padi nobe kodi mujingulule amba bifuko bivule bya twaji kebidi na byaka bivule. Dino dipepala dileta madingi malumbuluke a mwa kulongela bileke kuleta byaka. Kadi dilombola amba pa kusaka twikale biyampe tufwaninwe kutūkija monyi ya meso pa mwanda utala kaji. Bine tanga’dyo.”

Kiteba kya Mulami 1 Kweji 3

“Na bimbidikita byonso bipita dyalelo, batwe bavule bene twīipangulanga shi tukekala namani kumeso kotwenda’ku. Ino Yesu Kidishitu, mu milombelo yandi yendele ntumbo pi na pi, i mwitusokwele’mo buluji botufwaninwe kwikadila na lukulupilo pa mwanda utala būmi bwa kumeso. [Tanga Mateo 6:​9, 10.] Bantu bapitulukanga mu bilubo bimo byonka byālongelwe pa kala. Inoko mu oa mafuku, boba bādi bengidila Leza bādi na būmi bwa ndoe. Dino dipepala ditulombola netu motukokeja kwikadila nabo.”

Réveillez-vous ! 8 Kweji 3

“Bible unenanga ukoma amba bufundiji bulumbuluke budi na mvubu. [Tanga Nkindi 2:10, 11.] Bavule motudi bayukile amba i kipite buya betu bana bekale na badimu bayukile kufundija. Uno Réveillez-vous ! ulombola patōka mvubu mikatampe ya badimu, ne muswelo otukokeja kwibafwija’ko pangala pa kwipāna kwabo, ne bifwaninwe kulonga bambutwile mwa kwibalungila’ko kuboko mu uno mwingilo mukomo obengila.”