Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 4

“Mwene nobe witabije amba ino ntanda shi yadi na bwendeji buyampe longa i kifuko kilumbuluke kwikala’po? [Muleke akulondolole.] Teja mulao ulaile Bible. [Tanga Mitōto 37:11.] Tukekala na ndoe ya uno muswelo enka shi kudi mwendeji mubwaninine. Bino bishinte bilombola uno Mwendeji i ani ne muswelo otukokeja kumwena mu bwendeji bwandi.”

Réveillez-vous ! 22 Kweji 3

“Bintenshi bipayanga bantu kapwila ne konakanya milwi ne milwi ya bintu. Bapanda’ko bashala basasāla kadi bafudilwe. Ino nimelo ya Réveillez-vous ! ilombola muswelo wanekenye bantu makambakano ebafikile kupwa kwa kintenshi. Kadi ishintulula amba bintenshi nabyo bibadilwa mu bupolofeto bwa Bible.”

Kiteba kya Mulami 1 Kweji 4

“Ivwana nkusapwile mulangwe umo usangaja mpata utanwa mu Bible. [Tanga Mateo 22:37.] Molangila kino kishintulula namani? [Muleke akulondolole.] Tala kino kishinte ‘Kimba Leza na Mutyima ne Ñeni Yobe.’ Le lwitabijo lwabine lufwaninwe kwikala’nka mu mutyima’ni, nansha i ne mu ñeni mwine? Malondololo adi muno akakuyukija bivule.”

Réveillez-vous ! 8 Kweji 4

“Abe mwine uyukile kala amba kulela kisaka mu ano mafuku i kukomo bininge, ne kwikala inabana nako ke kunekenepo. Ino nimelo ya Réveillez-vous ! idi na binenwa bisangaja mpata pa uno mutwe wa mwanda ‘Buinabana​—Lelo I Mwingilo Mukomo?’ Nsaka kukushila dino dipepala.”