Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 3

“Tudi na nsangaji ya ku kwita ku kivulukilo kya Bidibwa bya Kyolwa bya Mfumwetu mu Dya Yenga mafuku 4 Kweji 4. [Shintulula bidi pa kibalu kya dipepala nansha pa kakanda ka Lwito lwa Kivulukilo. Kupwa tanga Luka 22:19.] Bishinte bibajinji bya uno nimelo ya Kiteba kya Mulami bishintulula buluji bwa kino kinkumenkume ne mwa kwikivulukila.”

Réveillez-vous ! 22 Kweji 3

Ipangula pa kupwa kutela kimbidikita kiyukilwe na bantu, amba: “Le kasha kweipangwile mwanda waka Leza ulekele bino bintu bilongeka? [Muleke akulondolole. Kupwa tanga Yakoba 1:13.] Kino kishinte, kisonekelwe nakampata bankasampe, kishintulula mwanda waka Umpangi wa buswe kaikele kufudija masusu a bantu.”

Kiteba kya Mulami 1 Kweji 4

“Bisonekwa bimo bitwalanga bantu ku kufwikila myanda, kimfwa kiyukeno kikutakane kya kinyema kitelelwe mu Bible. Le nobe kodi mwivwane’kyo? [Muleke akulondolole. Kupwa tanga Kusokwelwa 13:16-18.] Bible aye mwine uleta lufungulo lushintulula buluji bwa kino kifibwe. Dino dipepala dilombola i lufungulo’ka.”

Réveillez-vous ! 8 Kweji 4

“Bantu bavule bebidile mānga ya būmi bwa Mosesa. Ino le uyukile amba Mosesa wānene kintu kimo kitutala netu dyalelo? [Muleke akulondolole. Kupwa tanga Kupituluka 18:15.] Uno nimelo wa Réveillez-vous ! ulombola uno mupolofeto walailwe i ani ne i bika byasa kulonga bikamwenwa’mo na muzo wa muntu.”